Burela, 8 de xaneiro, 2026. A Asociación Esperanza de loita e apoio contra o cancro vén de presentar o balance das actividades realizadas durante o ano 2025, un exercicio no que o colectivo subliña dous aspectos fundamentais.
Apoio crecente da cidadanía
O primeiro é o gran respaldo social recibido en todas as actividades organizadas ao longo do ano. Para a entidade, este apoio reflicte unha maior sensibilización da sociedade na loita contra o cancro, unha batalla que abrangue a prevención, a diagnose, o tratamento e o acompañamento ás persoas enfermas e ás súas familias.
Desde Esperanza sinalan que así “se cumpre un dos obxectivos fundacionais do colectivo: a implicación da cidadanía na loita contra o cancro”.
8.500 euros en doazóns para proxectos científicos
O segundo punto destacado é o esforzo económico destinado a apoiar a investigación.
En 2025, Esperanza realizou catro doazóns por un total de 8.500 euros a proxectos científicos e entidades dedicadas á investigación oncolóxica:
• ZebrAGLIO2020 – 3.000 €
• Somos – 2.000 €
• Centro Oncolóxico de Galicia – 2.000 €
• Geicam – 1.500 €
As achegas proceden das cotas das persoas asociadas, de doazóns de colectivos —como a realizada por Alcoa este ano— e tamén de persoas anónimas. A entidade confía en incrementar estas contías en 2026.
Aumento do número de persoas asociadas
Outro dato relevante é o incremento do 12% no número de persoas asociadas, que pasan de 585 a finais de 2024 a 656 ao peche de 2025. Para Esperanza, esta evolución confirma a crecente implicación social.
Agradecemento á cidadanía, empresas e institucións
A asociación expresa de novo o seu agradecemento a todas as persoas, empresas e institucións que colaboran coa entidade “dun xeito ou doutro”, e amosa a súa confianza en que esta colaboración continuará ao longo de 2026.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
