Ribadeo, 8 de xaneiro de 2026. Máis de 800 persoas empregaron a Pancha, a moeda local de Ribadeo, durante os pasados meses de novembro e decembro. En total foron realizadas 3.213 operacións que supuxeron un movemento económico de máis de 216.000 euros.
O alcalde, Dani Vega, cualificou de “todo un éxito” a campaña e fixo un balance “moi positivo”. Dixo que “a sétima edición da Pancha, a nosa moeda local, funcionou moi ben durante os dous meses nos que estivo en vigor esta campaña. Comezou o 1 de novembro e rematou o 31 de decembro. En total foron máis de 800 as persoas beneficiadas polos descontos nos máis de 80 establecementos de comercio e hostalaría de Ribadeo participantes”.
O rexedor subliñou que “durante os dous meses da campaña da Pancha leváronse a cabo 3.213 operacións coa moeda local, o que supuxo unha dinamización moi importante do tecido empresarial ribadense, que ascendeu a un movemento de máis de 216.000 euros. Desta cantidade, 46.168 euros foron aportados polo Concello de Ribadeo en concepto de subvención ao consumo e a cantidade restante polas persoas beneficiarias”.
Vega contou que “neste campaña que acaba de rematar, a semana con máis movemento de Panchas foi a do 24 ao 30 de novembro, que coincidiu co Black Friday, seguida pola do 15 ao 21 de decembro, esta última coincidindo coas datas fortes da campaña de Nadal. Con estes datos finais, podemos confirmar que a Pancha é un elemento moi importante na nosa economía local, especialmente no Nadal e que non deixa de cobrar importancia ano tras ano”.
A presidenta de Acisa, Carmen Cruzado, manifestou que “a moeda local de Ribadeo, a Pancha, é un aliciente para fomentar as compras no noso comercio e o consumo na nosa hostalería. Por 30 euros cada persoa beneficiaria recibiu 40 panchas, que unidas aos descontos ofrecidos polas tendas durante o Black Friday ou durante o Nadal, supuxeron aforros importantes nesas operacións”.
E engadiu: “desde Acisa estamos satisfeitos de seguir colaborando un ano máis, e xa van sete, co Concello de Ribadeo nesta importante campaña dinamizadora da economía local”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
