A Mariña, 26 de xaneiro, 2026. O sábado 7 de febreiro, ás 11:00 horas, celebrarase unha nova edición do programa #DescubrindoONoroeste, que nesta ocasión propón un percorrido polo Mondoñedo Monumental. A actividade está organizada por Guía tu día e Guido Guía, e está aberta ao público xeral.
A ruta, guiada pola guía oficial de Turismo de Galicia Ana Pena, permitirá afondar na historia, o patrimonio e a identidade desta cidade lucense, un dos enclaves máis emblemáticos do noroeste peninsular.
O itinerario ten unha dificultade baixa, percorre arredor de 2,5 km e inclúe os principais puntos de interese do Mondoñedo Monumental. A duración estimada é de 2 horas e media e está pensada para persoas de todas as idades. As mascotas son benvidas durante todo o paseo.
A saída realizarase desde o Santuario da Virxe dos Remedios, mantendo o espírito divulgativo do programa: achegar o patrimonio cultural ao público e poñer en valor cada recuncho, historia e anécdota que conforman o tecido urbano e social da vila.
ℹ️ Detalles da actividade
• 📍 Punto de inicio: Santuario da Virxe dos Remedios
• ⏰ Hora: 11:00 h
• 📏 Percorrido: 2,5 km
• ⏳ Duración: 2 h 30 min
• 🥾 Dificultade: baixa
• 🐶 Mascotas: benvidas
• 💶 Prezo: 12 € por persoa
• ➡️ Desconto: 20% para menores de 18 anos
• 👶 0–2 anos: participación gratuíta
📧 Inscricións
info@paseosguiados.com
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
