Vimos de pasar un Nadal especialmente insólito e preocupante en Ribadeo no eido sanitario. Xustamente cando aumentaban as infeccións respiratorias propias do inverno e a demanda asistencial se vía incrementada, o cadro médico do noso centro de saúde quedaba reducido a mínimos. Tendo en conta que xa nos mellores meses do ano estaba ao 50%, poden imaxinarse que os mínimos foron desta volta preocupantemente mínimos.
Probablemente non lles pasaría a vostedes inadvertida esta situación, xa que quen máis quen menos tería que abrir a aplicación do Sergas para pedir cita e se atoparía con que a 23 de decembro non podía conseguir vez co seu médico (ou con outro) até mediados de xaneiro.
Con este panorama no dixital, o lóxico é que pasasen vostedes polo centro de saúde ou intentasen pedir cita por teléfono. Se tiveron sorte e pertencen a algún dos cupos médicos que aínda contan con facultativa (tres ou catro de oito) conseguirían unha cita. Pero o máis probable é que escoitasen vostedes o seguinte: que só hai un médico para todo Ribadeo na quenda da mañá.
Esta situación repetiuse varios días e as veciñas e veciños que precisaban de atención médica estiveron obrigadas a esperar pacientemente a que o desbordado profesional puidese atendelos. Un só médico para todo Ribadeo na quenda da mañá! Atreveríame a dicir que batemos o noso récord de penosidade.
Mentres tanto, o noso alcalde, Dani Vega, co peito inchado de satisfacción e servilismo trasnoitado tiraba fotos co Conselleiro de Sanidade nos verdes pastos que albergarán o futuro centro de saúde. Nin unha soa palabra da nefasta situación que se vivía neses días no centro actual, nin unha explicación, nin unha solución. Para que? Agora toca vender metros cadrados de consultas, que ao paso que imos van estar baleiras, e anunciar servizos que xa existen dende hai anos. E mentres anunciamos infraestruturas, a ver se hai sorte e vai pasando o temporal.
Dirán os desconfiados que agora os do BNG non queren o centro de saúde porque non gobernan. Aclararemos que nada máis lonxe da realidade. Benvidas sexan sempre as inversións e melloras para Ribadeo. Pero non sería mellor comezar a casa polo chan e non polo tellado? Para o grupo municipal do BNG a prioridade foi e será sempre que se garanta unha atención primaria universal e de calidade. No centro da vila ou nas aforas, o imprescindible é ter persoal sanitario que nos atenda, que nos realice un seguimento axeitado, e, se non fose moito pedir que non estea desbordado atendendo o dobre ou o triple de pacientes dos que debería.
Agora virán de novo os mantras xa coñecidos de “non hai médicos”, “a atención sanitaria está garantida” e “o único que fan vostedes é xerar alarma e preocupación na poboación”. Frases con cheirume a excusas baratas de mal pagador. A estas alturas xa a ninguén lle pasa inadvertido que os “esforzos” que fan dende a consellería de sanidade por cubrir xubilacións e baixas son totalmente estériles. Así que, ou ben se comezan a esforzar un pouco máis en serio ou nos deixan de mentir á cara.
Faltan médicos en Ribadeo, pero tamén en Trabada, en Foz, en Viveiro, no Vicedo… así como en moitos outros concellos de Galiza. De verdade temos que crer que isto é só unha desafortunada broma do destino? O deterioro da atención primaria foise fraguando durante moitos anos con recortes, infradotación orzamentaria, maltrato sistemático ao personal e falta de previsión real das necesidades dos centros de saúde. Agora vemos as consecuencias e a solución obrigatoriamente será complexa. Precísase de políticas que aposten claramente polo público, que blinden a atención primaria como a base que é do sistema sanitario; pero, sobre todo, precísase vontade. E, porén, o que estamos a ver é o incremento constante de orzamento cara a concertos coa sanidade privada e amagos de parches para a atención primaria que se tornan insuficientes á vista dos resultados. Con esta perspectiva en constante deterioro cada vez será máis difícil atopar quen se queira dedicar á medicina comunitaria.
A poboación fai ben en estar preocupada pola situación da sanidade en Ribadeo.
E ben se deitará de que a veciñanza ribadense, e tamén o BNG, continúen a reivindicar, e non se cansen de pedir a atención sanitaria básica que a ninguén lle tiñan que ter roubado.
Raquel Ferreira, concelleira do BNG de Ribadeo
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
