Rodil achaca a falta de facultativos ao recorte de prazas e ás “condicións laborais leoninas” que impón o Sergas e que provocan a fuxida da Primaria
Santiago de Compostela, 29 de xaneiro, 2026. A deputada do BNG Olalla Rodil denunciou no Parlamento a falta de persoal médico que a veciñanza de Vilalba leva anos sufrindo, con esperas neste momento de ata vinte días para poder ser atendida no seu centro de saúde. Unha situación que “non é nin aceptable nin admisible nin sostíbel”, denunciou, e que o Sergas “vai parcheando un día si e outro non” sen aportar solucións, “intentando tapar unha perna con outra entre quilos, iso si, de propaganda”.
“Moita xente non espera porque non pode esperar, e acaba acudindo ao PAC para consultas que deberían ser atendidas nunha consulta ordinaria ou que van directamente ás urxencias do HULA”, denunciou Rodil, que censurou o “desprezo” dos responsables da Consellería de Sanidade a unha veciñanza que “parece que non ten outra cousa mellor que facer que reclamar unha atención de calidade nos servizos públicos”.
Segundo explicou a deputada por Lugo, coincidindo coas mobilizacións veciñais, a Xunta anunciou que se incorporaban tres médicos coa resolución do concurso-oposición de 2022, pero na práctica isto só supuxo unha persoa nova no centro de saúde, posto que unha non se incorporou e outra xa estaba cubrindo unha vacante.
Explicou, ademais, que as seis prazas de médico que non están cubertas no centro de saúde van “parcheándoas”. “Hai un médico que vai tres días a Vilalba e dous a Abadín e logo teñen unha médica que só ve urxencias dos cupos que non teñen médico”, asegurou.
Peor aínda, criticou, é a situación da atención pediátrica nun centro de saúde que, recordou, atende arredor de 14.000 persoas neste concello cabeceira de comarca da Terra Chá. As dúas pediatras do centro están de baixa e “algún día van cubrindo o servizo con alguén do hospital ou doutros centros de saúde”, pero cando isto non sucede os nenos e as nenas teñen que acudir ao PAC ou ir directamente ao HULA.
“O que lle pedimos é que fagan algo máis do que están facendo”, díxolle ao director xeral de Asistencia Sanitaria, Alfredo José Silva Tojo, a quen afeou que a súa xestión se reduciuse até o de agora a “parches” e “propaganda”.
Diante dos argumentos do responsable da Consellería encargado de responder ao BNG, Rodil achacou a falta de médicos en Galiza ao recorte de prazas durante anos e ás “condicións laborais leoninas que fan que o persoal fuxa da Atención Primaria”.
“Igual o problema é algo máis que cubrir prazas MIR ou seguir incrementando o número de prazas MIR, igual hai que garantir a esa xente que teña unhas condicións laborais de calidade”, afirmou durante o debate da pregunta parlamentaria.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
