Viveiro, 29 de xaneiro, 2026. Ás cinco e media da tarde deu comezo un dos 15 peches reivindicativos que CIG-Ensino e STEG —organizacións que representan unha ampla maioría do profesorado— están a promover durante estas dúas semanas para descentralizar o conflito laboral coa Consellaría e levalo aos propios centros educativos. A acción busca presionar o conselleiro Román Rodríguez, que, tras cinco xornadas de folga, continúa sen sentar a negociar melloras nas condicións laborais do profesorado nin no ensino público en xeral. A intención é pasar a noite no centro e realizar mañá un acto informativo coincidindo coa entrada e o inicio das clases.
No CEIP Plurilingüe de Covas, convertido hoxe nun espazo de mobilización, desenvólvense a esta hora unha asemblea aberta, debates sobre a folla de ruta, elaboración de material reivindicativo e encontros con representación de familias e alumnado. Tras os seis peches realizados no primeiro trimestre —con alta participación e impacto mediático—, as organizacións convocantes amplían agora a iniciativa e espállana por todo o territorio galego, nunha estratexia que busca descentralizar o conflito e implicar directamente os centros de ensino. Deste modo, os colexios e institutos convértense en puntos de encontro da comunidade educativa e en espazos para compartir as necesidades comúns de profesorado e alumnado.
O obxectivo é denunciar a falta de resposta da Consellaría, que continúa ignorando a voz maioritaria do profesorado galego representado por CIG-Ensino e STEG. A mobilización tamén pretende visibilizar os problemas que afectan ás familias e ao alumnado: a ausencia de profesorado de Pedagoxía Terapéutica, Audición e Linguaxe ou persoal orientador suficiente evidencia unha carencia estrutural que obriga os centros a decidir que alumnado se atende e cal non. A negativa a autorizar desdobres, o incumprimento das medidas recollidas no acordo de melloras, o aumento das ratios por riba do permitido ou a agrupación de varios niveis tamén vulneran o acordo de agrupamentos e prexudican especialmente o alumnado máis vulnerábel, a igualdade de oportunidades e a construción dunha sociedade máis xusta.
A redución de ratios, a eliminación da burocracia e a defensa dunha oferta pública suficiente en todas as etapas educativas son algúns dos puntos que se están a traballar con familias e alumnado durante estes peches.
Concentración á entrada do centro
Mañá, coincidindo co inicio da actividade lectiva, terá lugar unha concentración á que se sumará a iniciativa dos Venres Negros. A comunidade educativa quere facer visible así estas carencias e esixir á administración que atenda o clamor de profesorado, familias e alumnado.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
