O deputado Daniel García desprazouse este xoves a FITUR, onde participou en reunións e actividades dirixidas aconsolidar un turismo sostíbel, que valorice o territorio e as producións agrogandeiras

O reponsable provincial asistiu a encontros con operadores especializados en ecoturismo como a valenciana Viajes Saó ou o portal Soy Ecoturista, e interesouse polo funcionamento e as iniciativas da Red de Pueblos del Surf. García participou tamén na presentación da campaña da Mancomunidade da Mariña “A Mariña, unha viaxe á identidade”, centrada na promoción da comarca como destino de turismo de benestar. No acto, proxectouse o vídeo promocional da campaña, referenciada nas Carolas, mulleres do interior da provincia que a comezos do século pasado chegaban á Mariña para tomar baños de mar. O deputado aproveitou a visita a Fitur para acompañar as asociacións gandeiras Boaga e Avimós, que están dando a coñecer na feira os produtos de razas autóctonas como parte da oferta gastronómica da provincia e de Galiza, en liña coas actividades desenvolvidas ao abeiro do programa Un
gusto de rural, un rural degusto promovido pola área de Rural.