Os senadores comparten o “malestar” porque, actualmente, só dous carteiros atenden todo o servizo postal dos municipios de Alfoz e O Valadouro
Lugo, 9 de xaneiro de 2026. Os senadores do PP lucense presentaron varias preguntas na Cámara Alta para esixir explicacións ao Goberno de Sánchez sobre a situación real da oficina do Valadouro a petición do alcalde do municipio, José Manuel Lamela, ante a fonda preocupación existente pola redución de persoal e o deterioro do servizo postal.
José Manuel Balseiro, José Manuel Barreiro e Juan Serrano advirten que o mal funcionamento de Correos, empresa pública encargada do servizo postal en España e dependente do Ministerio de Transportes e Mobilidade Sostible, “está a ser xeneralizado, especialmente nas zonas rurais, onde se están a producir atrasos recorrentes nos repartos pola falta de persoal e a saturación das oficinas”.
No caso concreto do Valadouro e Alfoz, a situación xera malestar porque, actualmente, só dous carteiros atenden todo o servizo postal destes dous municipios lucenses. Durante o pasado mes de decembro, por exemplo, non se cubriron nin as baixas por xubilación nin as baixas temporais do persoal de repartición, o que agravou aínda máis os problemas de funcionamento.
Por todo isto, os representantes lucenses do PP no Senado formularon varias preguntas no Senado para coñecer cantos traballadores dispón Correos nesta oficina, detallando a evolución do persoal desde o ano 2018 ata a actualidade; cantos destes postos están efectivamente cubertos; cantos traballadores se atopan de baixa; cantas destas baixas non están cubertas e os motivos polos que non se procedeu á súa substitución.
O senador mariñán José Manuel Balseiro lembra que, especialmente no rural, “os carteiros desempeñan un papel fundamental como contrapeso á perda doutros servizos básicos, como bancos ou oficinas administrativas. Son moitos os veciños que aproveitan a visita do carteiro para realizar xestións esenciais, como o pago de recibos de auga, luz ou teléfono, o abono de tributos ou mesmo o rexistro de documentación, cartas e paquetería”.
Desde o Partido Popular reclaman ao Goberno de Sánchez que “adopte medidas urxentes para garantir un servizo postal digno e de calidade no rural lucense, evitando que a falta de persoal continúe prexudicando, neste caso, aos veciños do Valadouro e Alfoz”, segundo manifesta Balseiro.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
