Daniel García presentou este novo recurso, que celebra a traxectoria do programa: máis de 18.000 nenas e nenos participaron nas actividades educativas nas granxas
Lugo, 31 de xaneiro de 2026. O programa de educación rural da Vicepresidencia a Deputación de Lugo Da Escola á Granxa medra cun novo material lúdico e didáctico, o Xogo da Pita Choca.
O deputado de Rural Daniel García presentou esta mañá no Pazo de San Marcos este novo recurso, nun acto que contou coa presenza de asociacións de nais e pais que participaron no programa, coa concelleira de Participación e Servizos á Veciñanza de Lugo Cristina López, con Leticia Guitierrez, tesoureira da Federación Provincial de Anpas de Lugo, que ven colaborando desde o inicio na organización do programa.
O Xogo da Pita Choca, deseñado por Inés López Penelas, de Inpe, e Cristina Rodríguez, de ZZ Design, conta cun taboleiro en espiral, de 63 casiñas numeradas, ilustradas con animais e alimentos que se producen nas granxas que participan no programa Da Escola á Granxa, que representan o potencial produtivo da provincia de Lugo.
O deputado explicou que “se trata dun material creado para celebrar a traxectoria do programa, que este ano alcanzará a quinta edición e que nos últimos catro achegou máis de 18.000 nenas e nenos de toda a provincia a granxas e proxectos de emprendemento no rural coa colaboración das anpas”.
“De cara ao quinto aniversario, pensamos nun xogo. Optamos por un xogo de mesa, que se pode palpar, tocar, na filosofía do programa Da Escola á Granxa, que busca achegar ás nenas e nenos á actividade agrogandeira a través de referentes reais e próximos, como as gandeiras e gandeiros, produtores, que participan nel”.
O responsable provincial explicou que “o xogo toma o nome dun dos poemas de O soño na gaiola, de Manuel María, “A pita choca”, que fala do coidado, que identifica ás anpas e ás familias, para as que está pensado”.
Leticia Gutiérrez encadrou a colaboración da FAPACEL co programa no obxectivo compartido de “recuperar o valor e a visibilidade do rural e dunha forma de vida que é digna, moderna, que ten futuro e que é respetuosa do medio ambiente” defendendo os dereitos das alumnas e dos alumnos”.
A concelleira Cristina López valorou especialmente “a posibilidade que o programa Da Escola á Granxa ofrece ás nenas e nenos da cidade, en xeral con menos vínculos coa actividade agrogandeira, de achegarse á orixe dos alimentos e a unhas actividades plenamente vinculadas ás nosas raíces e á nosa identidade como sociedade”
Todas as anpas que participaron na última edición do programa Da Escola á Granxa recibirán un exemplar do xogo, que estrearon esta mañá algúns das nenas e nenos que se achegaron ao acto.
O Xogo da Pita Choca amplía os recursos didácticos do programa Da Escola á Granxa, que conta con outros materiais complementarios ás propias actividades educativas nas granxas como os libros “Os Bolechas van da Escola á Granxa”, que comezou a editarse na primeira edición do programa, en 2022, e que se renova cada anualidade, incorporando as granxas que participan na iniciativa, reforzando e diversificando a oferta formativa.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
