Lugo, 28 de xaneiro de 2026. A subdelegada do Goberno en Lugo, Olimpia López, presidiu este mércores un minuto de silencio diante da Subdelegación do Goberno en memoria das cinco mulleres asasinadas nas últimas semanas por violencia de xénero e como mostra de condena rotunda fronte a esta forma extrema de violencia contra as mulleres.
Durante o acto, a subdelegada quixo poñer nome e rostro ás vítimas, lembrando a Czarina, de 43 anos, en Las Palmas de Gran Canaria; María del Pilar, de 38 anos, en Jaén; María Isabel, de 58 anos, en Cádiz; María del Carmen, de 78 anos, en Badaxoz; e Victoria, de 33 anos, en Málaga, “cinco mulleres cuxas vidas foron truncadas pola violencia machista e que non poden quedar reducidas a cifras nin a estatísticas”.
Olimpia López expresou a súa máis firme condena ante estes crimes machistas e trasladou a súa solidariedade e afecto ás familias, amizades e persoas achegadas das vítimas. A subdelegada advertiu de que a violencia machista “non é un feito illado nin accidental, senón unha violencia estrutural que atenta directamente contra os dereitos fundamentais das mulleres e contra os valores democráticos da nosa sociedade”.
A subdelegada subliñou que “non hai lugar para a indiferenza nin para o negacionismo fronte á violencia machista”, e insistiu na necesidade de manter unha resposta institucional e social unida, firme e sen fisuras fronte a calquera forma de violencia contra as mulleres. “Cada asasinato é un fracaso colectivo e interpélanos como sociedade”, sinalou.
Olimpia López lembrou tamén a importancia dos recursos públicos de prevención, protección e atención ás vítimas, e fixo un chamamento á cidadanía para que non mire cara outro lado ante situacións de risco ou violencia. “A loita contra a violencia machista é unha obriga de todas e de todos, e só desde a unidade, a firmeza e o compromiso social poderemos avanzar cara a unha sociedade máis xusta, igualitaria e libre de violencia”, concluíu.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
