A presidenta Carmela López reafirmou o compromiso da institución provincial coa Semana Santa e o Belén Xigante
Viveiro, 14 de febreiro de 2025. Mariña Gueimunde, alcaldesa de Viveiro, mantivo unha reunión de traballo con Carmela López, presidenta da Deputación de Lugo, na que se abordaron varios asuntos de interese municipal, tanto no ámbito de infraestruturas como en necesidades de mobilidade e servizos básicos.
No encontro, a alcaldesa trasladou a importancia de manter o apoio institucional á Semana Santa de Viveiro e ao Belén Xigante, dúas citas de referencia no calendario festivo local e da Mariña. Carmela López reafirmou o compromiso da institución provincial para seguir colaborando con estas iniciativas.
A reunión tamén serviu para avanzar noutras cuestións que serán analizadas pola Deputación. Entre elas, a posible colocación de redutores de velocidade en zonas como Viero e Galdo, co obxectivo de mellorar a seguridade viaria. A alcaldesa de Viveiro expuxo a necesidade de actuar sobre varias vías do Concello.
Outro dos asuntos abordados foi a necesidade de actuar nas infraestruturas de abastecemento e saneamento de auga. Segundo se expuxo na reunión, a prioridade pasa por estudar unha reparación completa e integral que permita resolver o problema de forma definitiva e, deste xeito, non limitarse actuacións puntuais.
Ademais, o Concello puxo sobre a mesa a posibilidade de levar a cabo a construción de beirarrúas transitables no rural e nas parroquias, unha demanda orientada a mellorar a mobilidade e a seguridade da veciñanza, especialmente en tramos nos que a circulación peonil comparte espazo co tráfico rodado.
A Praza de Abastos
Durante a xuntanza, Mariña Gueimunde insistiu tamén na dinamización e rehabilitación da Praza de Abastos, un proxecto considerado prioritario polo Concello pola súa importancia para poñer en valor os produtos mariñeiros e de proximidade, así como polo valor arquitectónico do edificio. A alcaldesa trasladou que se trata dunha intervención de gran envergadura para a capacidade económica municipal e que, malia contar co apoio da Xunta de Galicia, resulta necesario que a Deputación se involucre para poder sacala adiante.
Mariña Gueimunde destacou que «a coordinación institucional é clave para dar resposta ás necesidades reais de Viveiro, tanto nas infraestruturas básicas como nos proxectos culturais e sociais» e agradeceu a disposición da Deputación para estudar as propostas trasladadas.
Cultura e Deporte
Por outra banda, o Concello de Viveiro tamén solicitou unha reunión con Efrén Castro, vicepresidente da Deputación de Lugo, para expoñer proxectos deportivos e culturais. Este encontro quedou fixado para o vindeiro 27 de febreiro. A anterior xuntanza tivo lugar en novembro e nela puxéronse sobre a mesa necesidades como actuacións no teatro Pastor Díaz, abordar melloras nas instalacións municipais e brindar apoio ao Conservatorio de música.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
