O Arco da Vella celebra un xantar de agradecemento ao seu fundador e alma máter, Kike Penabad

Barreiros, 18 de febreiro, 2026. O Arco da Vella prepara un xantar de homenaxe a Kike, fundador e figura clave da agrupación, tras 45 anos de dedicación ininterrompida ao folclore e á vida cultural de Barreiros. O seu labor, recoñecido tanto en San Miguel como no conxunto do municipio, consolidouno como unha das persoas máis influentes na preservación das tradicións locais.

Ao longo de máis de catro décadas, Kike mantivo activo o proxecto do Arco da Vella con constancia e entrega persoal, impulsando a participación veciñal e creando un espazo no que numerosas xeracións atoparon formación, convivencia e identidade cultural. A súa capacidade para cohesionar o grupo e transmitir valores comunitarios converteuno nun referente para todos os que pasaron pola asociación.

Co obxectivo de recoñecer esta traxectoria, a organización convoca a compañeiros, antigos membros e simpatizantes a participar nun xantar de agradecemento. O encontro pretende recuperar vivencias compartidas, fortalecer lazos e render tributo ao que foi, durante 45 anos, o alma mater do Arco da Vella.

A Cita será o 14 de marzo nos Colexios Vellos de San Miguel de Reinante ás 14.30 h. Entradas á venda no bar “A Dulcería” e no tel: 628 73 92 24.