O Valadouro, 5 de Febreiro, 2026. Unha vez máis, as veciñas e os veciños do Valadouro atopáronse esta semana coa desagradable sorpresa de quedar sen médicos no centro de saúde, igual que acontecera en abril de 2024. Daquela, tras fortes mobilizacións veciñais, foran cubertas as prazas. Agora, menos de dous anos despois daquela data, a situación volve tristemente ao punto de partida.
Os nacionalistas lembran que este problema xa fora levado ao Parlamento o 17 de abril de 2024 polo deputado mariñao Daniel Castro. “Dada a pouco convincente resposta que nos deran, xa se prevía que a solución ía ser un parche, como está acontecendo na maioría dos centros de saúde da Mariña e do país, que sofren a mesma problemática”, afirma o parlamentario. Castro subliña ademais que xa daquela advertiran de que non se trataba dun feito puntual, senón dunha situación derivada de dúas xubilacións previsibles.
Exixen a cobertura inmediata das prazas
Desde o BNG local reclaman a cobertura inmediata das dúas prazas de medicina e anuncian que levarán o asunto ao vindeiro pleno municipal. Non descartan novas mobilizacións se non se produce unha solución urxente. “Non imos permitir que o PP deixe o Valadouro sen médicos”, afirma o portavoz municipal Eduardo Chao.
Dous senadores, pero faltan dous médicos e dous carteiros
A precariedade na Atención Primaria súmase á situación do servizo de Correos na oficina de Ferreira, que tamén atende Alfoz e onde faltan dous carteiros tras non cubrirse unha xubilación e unha baixa.
Neste sentido, Chao sinala que “sendo unha cuestión moi seria e grave, non deixa de ser sarcástico e unha cruel ironía que no Valadouro falten dous médicos e dous carteiros, pero pola contra haxa dous senadores, tal como dixera un veciño nas mobilizacións de hai dous anos”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
