Burela, 28 de febreiro, 2026. O encontro comezou cun momento especial, non só pola volta a Vista Alegre de tres exxogadoras —Cami, Jozi e Dany—, senón tamén polo recoñecemento previo á xogadora infantil das Escolas Burela FS, Paula López, e ao segundo adestrador do equipo sénior feminino e coordinador da base, Jairo Campo. Ambos recibiron un agasallo do club pola súa participación no Campionato de España Sub14 e Sub16, no que Jairo acadou o subcampionato. A entrega realizouse da man da presidenta da Deputación de Lugo e alcaldesa de Burela, Carmela López, acompañada polo presidente do Reyco Burela FS, José Luis Sáez, e a tesoureira Yolanda Álvarez.
O partido non puido comezar mellor para o Burela: Miriam marcou no minuto 1 cun disparo exterior nunha xogada de estratexia. No 3, Cris Blanco rozou o segundo pau tras un pase longo de Ana Eliza nunha saída rápida. No 8, Paola estrelou un balón no pau nun man a man coa porteira local tras unha recuperación en campo rival. Só uns segundos despois, Miriam asinou o 0-2 cun disparo escorado ao primeiro pau. O marcador mantívose ata o descanso.
Na segunda metade o Burela mantivo a intensidade. No 25, un envío ao segundo pau non puido ser rematado por Silvia tras desviar a defensa local. No 30, Lara non chegou por pouco a un balón que acabou nas mans de Mariña, que defendeu a portería do Alcantarilla neste período. No 31 chegou o 3-0, obra de Bet, que aproveitou un rexeite na área cun disparo que rozou o traveseiro tras un tiro afastado de Cami.
O Burela buscou recortar distancias e no 32 Lara saíu como porteira-xogadora, iniciando varios minutos de asedio á portería local. No 34 entrou Irene coa elástica negra e, nese mesmo minuto, chegou unha das ocasións máis claras: un pase longo perfecto de Ana Eliza deixou a Silvia diante de Mariña, pero a porteira respondeu cunha gran intervención desviando o disparo á banda.
Ficha Técnica Reyco Burela FS 0-3 LBTL Futsal Alcantarilla
Reyco Burela FS (0): Ana Eliza; Cris Blanco, Sandra, Lara, Irene -quinteto inicial-, Laura Barranco, Silvia Rubal (C), Macarena, Marina, Lari, Gabi, Mara.
LBTL Futsal Alcantarilla (3): Jozi Oliveira; Bet, Miriam (C), Pao, Paola –quinteto inicial-, Cami, Toñi, Dany, Cata, Ana Belén, Marina (P).
Goles: 0-1, min. 1: Miriam. 0-2, min. 8: Miriam. 0-3, 31: Bet.
Árbitros: Javier Menéndez // Carlos Jesús González Pardal // Andrea de Luis. Por parte do Reyco Burela viron tarxeta amarela Sandra (23’) e Irene (32’). Por parte do LBTL Futsal Alcantarilla, Bet (23’)
Incidencias: Partido correspondente á xornada 20 de 1ª División Iberdrola FS disputado no pavillón municipal Vista Alegre de Burela.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
