O equipo de Goberno lembra que xa se están a impulsar iniciativas culturais vencelladas ao cine
Viveiro, 5 de febreiro de 2025. O Pleno da Corporación municipal de Viveiro debateu na sesión celebrada onte unha moción presentada polo Grupo Municipal do PSOE para garantir a continuidade da actividade cinematográfica no municipio mediante acordos culturais puntuais. A proposta non saíu adiante ao non contar co apoio maioritario do Pleno.
Desde o Goberno municipal explicouse que o voto en contra non responde a unha oposición á cultura nin ao cinema, senón á propia formulación da moción. Segundo se expuxo no debate, a proposta instaba o Concello a asumir un papel de intervención directa sobre unha actividade de carácter privado, unha cuestión que se considera improcedente no marco das competencias municipais.
O Goberno local sinalou, ademais, que a moción incorporaba contradicións no seu propio contido, ao recoñecer que se trata dunha actividade privada e que as administracións públicas non poden nin deben asumir investimentos nese ámbito, ao tempo que solicitaba que o Concello mediase e actuase para favorecer a continuidade do servizo.
Desde o Concello indicouse tamén que o peche da empresa xa se produciu, polo que a moción se formulaba en termos que non se corresponden coa situación actual. Neste contexto, o Goberno municipal afirmou que as xestións que se están a realizar céntranse en facilitar que a actividade cinematográfica poida recuperarse no futuro, favorecendo que novas empresas ou operadores poidan interesarse por investir no municipio.
O equipo de Goberno quixo subliñar, así mesmo, a súa aposta polo cinema a través de programación cultural e social xa en marcha. Como exemplo, destacou a realización dun obradoiro de cine incluído no programa dirixido ás persoas maiores, impartido por Manolo Gómez, profesional recoñecido con dous premios Goya.
O Concello de Viveiro reafirma o seu compromiso coa cultura e coa dinamización do municipio, a través da promoción de iniciativas que contribúan a ampliar a oferta cultural e a participación da veciñanza.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
