Santiago de Compostela, 10 de febreiro, 2026. O Grupo Parlamentario Socialista de Galicia, a través da deputada Lara Méndez López e dos deputados Carlos López Font e Aitor Bouza Manso, presentou no Parlamento de Galicia unha pregunta dirixida ao Goberno galego sobre o futuro da Vía de Alta Capacidade VAC-Norte de Viveiro.
Desde hai décadas, Viveiro e o conxunto da comarca da Mariña reclaman unha solución real, eficaz e estrutural aos graves problemas de mobilidade e comunicacións que padecen, explican.
Durante anos, a Xunta de Galicia defendeu e impuxo o proxecto da Vía de Alta Capacidade VAC-Norte, unha infraestrutura estratéxica destinada a mellorar a seguridade viaria, a fluidez do tráfico e a competitividade económica dun territorio clave do norte do país.
A VAC-Norte foi incluída no Plan Xeral de Ordenación Municipal (PXOM) de Viveiro por esixencia da propia Xunta, condicionando durante máis dunha década o desenvolvemento urbanístico e territorial do municipio. O Concello de Viveiro e a totalidade da Corporación municipal aceptaron esa imposición para poder avanzar na tramitación do PXOM, confiando en que a infraestrutura comprometida acabaría executándose, engaden.
Porén, o recente anuncio do presidente da Xunta en Viveiro supón un cambio de criterio profundo e preocupante. O Goberno galego renuncia de facto á VAC-Norte e substitúe o proxecto por unha variante de estrada convencional, cun investimento moi inferior e un alcance claramente limitado. Esta alternativa non responde ás necesidades reais de mobilidade nin aos problemas estruturais de tráfico que sofre Viveiro, especialmente nos accesos ao casco urbano e na conexión coa rede viaria principal.
Segundo o Grupo Socialista, esta decisión representa unha rebaixa inaceptable das aspiracións e dereitos da veciñanza de Viveiro, que ve como se lle nega unha infraestrutura da que si dispoñen outras comarcas galegas. Ademais, alertan de que a solución proposta corre o risco de quedar obsoleta a curto prazo, ao tratarse dunha estrada convencional incapaz de absorber o volume de tráfico actual e futuro.
O grupo parlamentario considera especialmente grave que, tras anos de bloqueo e esixencias ao Concello, a Xunta pretenda agora pechar definitivamente a porta a unha vía de alta capacidade, sen diálogo real, sen avaliación comparativa de alternativas e sen ter en conta o impacto desta renuncia no PXOM nin no desenvolvemento económico e social de Viveiro e da Mariña.
Por todo isto, o Grupo Parlamentario Socialista insta a Xunta de Galicia a rectificar, recuperar unha visión ambiciosa e apostar por unha infraestrutura acorde ás necesidades do territorio.
A pregunta formulada ao Goberno galego é a seguinte:
Vai a Xunta de Galicia retomar o proxecto da Vía de Alta Capacidade VAC-Norte de Viveiro como infraestrutura estratéxica para a mellora da mobilidade, da seguridade viaria e do desenvolvemento económico da Mariña?
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
