Viveiro, 19 de febreiro, 2026. O Grupo Municipal Socialista de Viveiro quere agradecer, en primeiro lugar, a todos os veciños e veciñas do municipio por manter vivo o Entroido, mesmo nos días nos que o tempo non acompañou. A participación, a ilusión e o compromiso coa tradición demostraron, unha vez máis, que o Entroido de Viveiro continúa sendo unha celebración con forza e identidade propia.
O grupo socialista expresa tamén un agradecemento especial aos grupos, comparsas, carrozas e participantes individuais —moitos deles chegados doutros puntos da contorna— pola súa contribución ao desfile. A súa presenza, sinalan, é fundamental para enriquecer o evento e consolidar Viveiro como referente festivo na comarca.
Así mesmo, recoñecen que o actual goberno municipal mantivo os premios e axudas ás carrozas e comparsas, unha liña iniciada polo anterior executivo socialista e que consideran un incentivo clave para fomentar a participación tanto da veciñanza como de colectivos doutros lugares.
Un balance con luces… e tamén con sombras
O PSOE de Viveiro considera que o balance xeral do Entroido deixa unha sensación desigual. Aínda que o desfile contou cunha ampla participación e o tempo acompañou ese día, varios veciños e veciñas trasladaron ao grupo socialista a falta de ambiente na praza, especialmente durante o luns de Entroido.
Por primeira vez en moitos anos —subliñan— non houbo actividade específica na praza: nin charanga, nin baile infantil, nin programación diúrna pensada para os máis pequenos.
O luns, tradicionalmente considerado o día dos nenos e nenas, resultou especialmente pobre en contido. Aínda que choveu, os socialistas lembran que unha carpa na praza é unha infraestrutura imprescindible no inverno en Viveiro, tanto no Nadal como no Entroido, porque garante actividade e resgardo en días de mal tempo.
O grupo valora positivamente a actividade celebrada o domingo no pavillón, incluída na programación municipal, pero considera que isto non substitúe a necesidade de manter o ambiente e a programación tradicional na praza o luns.
Recoñecemento ás asociacións
O PSOE de Viveiro fai unha mención especial á Comisión de Festas de Viveiro pola organización da cea do luns, un éxito ao igual que o ano pasado. Destacan que esta iniciativa non só pon en valor o Entroido, senón que contribúe á recadación de fondos para as festas. O seu recoñecemento é absoluto.
Non obstante, o grupo socialista observa que a programación cultural municipal continúa apoiándose de maneira case exclusiva nas asociacións e comisións. Aínda que valoran positivamente o dinamismo social que isto supón, lembran que non debe substituír a responsabilidade directa do Concello na organización dunha programación propia, equilibrada e completa.
Unha reflexión responsable
O PSOE de Viveiro aclara que non realizou críticas durante os días de celebración, porque entende que os eventos deben vivirse con apoio institucional e sen xerar polémicas que poidan prexudicar a súa imaxe. Porén, unha vez rematado o Entroido, considera responsable facer unha reflexión pública e construtiva.
Os socialistas lembran que xa non cabe a escusa da falta de orzamento, dado que estes son os primeiros presupostos elaborados integramente polo actual goberno. Dentro das limitacións económicas coñecidas, consideran que si era posible reforzar o luns cunha carpa, animación infantil e ambiente musical durante o día.
Falando desde a experiencia de goberno, recoñecen que todos poden cometer erros e que sempre hai marxe de mellora. O seu obxectivo —subliñan— non é criticar por criticar, senón contribuír a que o Entroido de Viveiro siga medrando e recupere o ambiente que tradicionalmente tivo.
O importante: manter viva a tradición
Para o PSOE de Viveiro, o máis destacado é que o Entroido segue vivo na xente: nas comparsas, nas familias, nos nenos e nenas, nas asociacións e na participación popular.
O grupo municipal reafirma o seu compromiso de seguir traballando con responsabilidade, facendo achegas construtivas e defendendo unha programación cultural que combine tradición, participación e impulso municipal.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
