O restaurante El Oviedo de Ribadeo reabre tras uns días de descanso cunha proposta especial para o 14 de febreiro: unha cea para celebrar o Día dos Namorados, que marca o regreso do seu programa de actividades culturais e gastronómicas

A velada forma parte das citas excepcionais coas que o local combina música, viño e cociña para ofrecer unha experiencia completa aos seus clientes. Para esta ocasión, Mar Orosa elaborou un menú único no que non faltarán clásicos da casa, como os torreznos de polbo, xunto con pratos de tempada como a ensalada de fabas con migas de ventresca de corvina, as “Manitas de Carnaval” ou a costela de vaca melosa cociñada a baixa temperatura. O aforo será reducido e só se poderá asistir con reserva previa, polo que o restaurante recomenda facela con antelación.