Vegadeo, 5 de febreiro, 2026. Os veciños e propietarios do número 22 da Avenida de Galicia, en Vegadeo —un dos edificios máis afectados polas crecidas do río Monjardín— volven alzar a voz ante unha situación que consideran insostible e que se prolonga desde hai anos. Aseguran que, lonxe de mellorar, o problema empeora pola falta de actuacións reais e eficaces das administracións competentes.
Inundacións cada poucos meses e ata 95 centímetros de auga
Segundo explica Cristina, residente no inmoble, as inundacións deixaron de ser episodios excepcionais. As crecidas prodúcense cada poucos meses e, nalgúns períodos, durante meses consecutivos. A auga adoita alcanzar os 45 centímetros no portal e, nos peores episodios, chega ata os 95 centímetros.
Esta situación provoca danos continuos tanto no edificio como na vida diaria das persoas que o habitan.
Danos estruturais acreditados nun informe oficial
As inundacións reiteradas provocaron importantes danos estéticos e estruturais: desprendementos de ladrillos na fachada, humidades persistentes que afectan ao enfoscado e á pintura, e deterioro nos contadores de auga e electricidade.
Todo isto figura no Informe de Avaliación do Edificio, datado o 01/08/2022 e remitido ao Concello e ao Principado de Asturias. O documento establecía un prazo de entre 12 e 24 meses para corrixir estas deficiencias. Dous anos despois, nada se solucionou porque —subliñan os afectados— a causa principal do problema continúa sen abordarse.
Risco constante para a seguridade das persoas
As crecidas impiden o acceso normal ao edificio, obrigando os residentes a esperar durante horas ata que baixa a pleamar ou a atravesar a auga en caso de necesidade, con risco de caídas e lesións. A situación é especialmente grave para as persoas maiores da comunidade.
Tamén se rexistran danos materiais adicionais, como vehículos afectados nas zonas próximas ao río.
“O imprevisible é a natureza; o inxustificable é a inacción”
Os veciños recoñecen que fenómenos como choivas intensas, mareas vivas ou ciclos lunares son inevitables. O que consideran inxustificable é a prolongada falta de resposta das administracións, que —aseguran— coñecen o problema desde hai anos e non adoptan medidas efectivas nin a curto nin a longo prazo, agravando o desgaste físico, económico e emocional da veciñanza.
Xestións previas sen resultados
Os afectados lembran que xa mantiveron reunións co alcalde de Vegadeo e mesmo co presidente do Goberno. Apostaron polo diálogo e a colaboración institucional, pero ante a falta de avances ven necesario “poner el grito en el cielo” e acudir aos medios de comunicación para denunciar a lentitude desesperante na tramitación dun proxecto que consideran vital para a seguridade de Vegadeo.
Exixen a execución urxente do “Proyecto de defensa de Vegadeo frente a las avenidas”
Os veciños reclaman publicamente ao Concello de Vegadeo, ao Principado de Asturias, á Demarcación de Costas e á Confederación Hidrográfica do Cantábrico que poñan fin ao “cruce de excusas” e á transferencia de responsabilidades. Piden que se asuman as obrigas legais e se execute de forma inmediata e íntegra o “Proyecto de defensa de Vegadeo frente a las avenidas”.
Lembran que o proxecto está redactado, avaliado ambientalmente e conta con orzamento. “Lo que falta no es un proyecto, sino voluntad política y agilidad administrativa.”, afirman.
Carta formal e petición de debate no Pleno
Ademais da denuncia pública, os afectados van rexistrar unha carta dirixida ao Concello de Vegadeo e ao resto de organismos competentes —incluído o Defensor do Pobo— para denunciar a prolongada deixadez administrativa ante un risco coñecido, documentado e reiteradamente advertido.
Solicitarán que o asunto se leve ao Pleno Municipal e que todas as forzas políticas se posicionen de forma clara e unánime, exercendo a presión necesaria a través dos seus representantes autonómicos e nacionais para desbloquear e executar o proxecto.
“Non pedimos privilexios: pedimos seguridade”.
Os veciños insisten en que esta non é unha reivindicación partidista, senón unha cuestión de seguridade pública e responsabilidade institucional. Afirman estar cansos de promesas incumpridas e reclaman “seguridade, responsabilidade e o dereito básico a vivir sen medo”.
Advirten de que, se non se actúa de inmediato, “alguén terá que asumir as consecuencias desta deixación prolongada”.
“Vegadeo no puede seguir esperando”, conclúen.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
