A actuación, cun investimento de 39.994,17 euros financiado integramente por Augas de Galicia, permitiu anular un colector en mal estado e instalar unha nova condución pola calzada e a beirarrúa
Viveiro, 19 de febreiro de 2026. As obras de mellora do saneamento en Celeiro, na zona de Catro Camiños, veñen de rematar. A actuación responde á necesidade de resolver as deficiencias dun colector de saneamento en uso que cruzaba varias parcelas e que presentaba un estado de funcionamento moi deficiente.
Co obxectivo de corrixir esta situación, proxectouse a anulación do colector existente e a instalación dun novo colector pola calzada e pola beirarrúa, co que se garantiu unha infraestrutura máis accesible para o mantemento e máis adecuada para o servizo.
O importe total da actuación foi de 39.994,17 euros. A execución das obras foi posible grazas ao convenio asinado entre o Concello de Viveiro e Augas de Galicia, no que a entidade autonómica asumiu o custe íntegro dos traballos.
Os traballos realizados incluíron a demolición do firme existente na beirarrúa e na calzada, a escavación con medios mecánicos, a instalación de novas canalizacións de PVC de 315 e 200 milímetros de diámetro, a construción de pozos de rexistro e arquetas, a execución de acometidas de saneamento, así como a reposición final do firme e das beirarrúas.
O Concello destaca que esta intervención permite mellorar o funcionamento da rede de saneamento e resolver unha situación que xeraba problemas recorrentes, reforzando a calidade do servizo na zona de Celeiro.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
