Vilalba, 12 de febreiro, 2026. O Concello de Vilalba continúa coa renovación integral do parque Rosalía de Castro, onde xa se retiraron os antigos elementos de xogo e o pavimento, e se están instalando os novos xogos que formarán parte do renovado espazo infantil.
A alcaldesa, Marta Rouco, e o concelleiro de Infraestruturas Urbanas, Luis Fernández, visitaron o avance das obras para comprobar de primeira man a evolución dunha actuación que transformará por completo este punto de encontro para as familias vilalbesas.
Avances visibles no parque
Na actualidade xa están colocados varios dos novos elementos de xogo e avanzan tamén os traballos de instalación do valado perimetral de madeira, que reforzará a seguridade do recinto.
Rouco destacou que se trata dunha intervención profunda: “Estamos falando dunha renovación real e completa deste parque, non dunha simple reparación. A infancia merece espazos de lecer seguros e coidados, e este é o camiño que estamos a seguir”.
Un novo espazo infantil de 100 m²
A actuación inclúe a creación dun parque infantil totalmente novo, cun **pavimento continuo de caucho de dobre capa**, que se instalará en canto melloren as condicións meteorolóxicas.
O novo espazo, duns 100 metros cadrados, contará con:
– unha casiña de xogos
– un xogo múltiple con tobogán
– randeeira
– redes de trepa
Financiamento e colaboración institucional
A alcaldesa lembrou que esta obra está financiada pola Deputación de Lugo, dentro do convenio impulsado pola Alcaldía co ente provincial. “Este tipo de investimentos demostran que cando hai xestión e colaboración institucional, os proxectos saen adiante e repercuten directamente na calidade de vida da veciñanza”.
Un plan máis amplo de mellora dos parques infantís
Rouco subliñou que esta intervención forma parte dun plan municipal máis amplo:
– recentemente completáronse melloras no parque da rúa da Emigración
– avanza tamén o proxecto do novo parque do Campo da Feira
“Pouco a pouco transformamos os espazos públicos para que Vilalba sexa un concello máis amable, pensado para as familias e para o día a día das persoas”, concluíu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
