Lugo, 3 de marzo de 2026. Os deputados do Grupo Provincial Popular anunciaron esta mañá que “non asistirán” á lectura do manifesto polo 8M da Deputación de Lugo, previsto para este venres ás 10:30 horas. “Mentres PSOE e BNG sigan a blanquear a José Tomé, a mantelo nos cargos, a subirlle o salario e manter nos cargos aos que taparon todo, nós non participaremos dese teatro”.
O voceiro provincial popular, Antonio Ameijide, afirma que unha vez que a Fiscalía anunciou unha querela contra Tomé, “PSOE e BNG deben de dar un paso adiante e deixar de branquear a esta persoa”, ao que engadiu que “é o momento de que fagan públicos os pactos que asinaron e que remataron con Carmela López de presidenta e Efrén Castro de vicepresidente, algo para o que foi imprescindible o voto favorable de José Tomé, así como a súa tutela diaria”.
“Está claro que segue a ser o presidente na sombra, que segue a ser el o que toma as decisións e o que segue a gobernar a Deputación dende atrás”, denunciou.
Neste senso, Ameijide esixe a Carmela López que deixe de poñer todos os medios provinciais ao servizo do ex presidente, “algo que se puido ver recentemente en Fitur, onde tivo persoal da Deputación baixo a súa atención e dirección, así como na propia institución mantén privilexios, dende un acceso diferente aos plenos e a ubicación no mesmo”.
Ademais, Ameijide pide reflexión a socialistas e nacionalistas: “O PSOE debe de retirar de inmediato o apoio que lle mantén en Monforte para seguir na alcaldía co solo máximo permitido por lei, mentres que o caso do BNG é máis preocupante aínda, xa que venderon o feminismo que din defender a cambio dunha vicepresidencia e dúas áreas de goberno”.
“Queda claro que nin a Carmela López, nin ao PSOE e ao BNG lles importan as vítimas e o feminismo, o único que lles importa é manter os cargos, os sillóns e os coches oficiais”, sentenciou.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
