A alcaldesa e concelleira de Igualdade, Marta Rouco, destaca “o compromiso do Concello para sensibilizar, educar e reivindicar o papel das mulleres nesta data pero tamén no día a día”
Vilalba, 3 de marzo de 2026. A alcaldesa e concelleira de Igualdade, Marta Rouco, acompañada pola concelleira Paula Vigo, presentou a programación do Concello de Vilalba para o 8M, Día Internacional das Mulleres, unha proposta que combina actividades abertas ao público e accións formativas nos centros educativos ao longo de todo o mes de marzo.
Rouco destacou que “o 8M é unha data fundamental para lembrar o camiño percorrido polas mulleres e para seguir avanzando en igualdade real”, e anunciou que o domingo 8 de marzo a Praza de Santa María acollerá unha xornada especial pensada para todos os públicos.
Actividades do domingo 8 de marzo
• 11:00 h – Contacontos “Contos en lila”, a cargo de Cris de Caldas, dirixido a público familiar e recomendado a partir de 3 anos.
• 12:00 h – “Praza lila: creatividade e igualdade”, con obradoiro de creación de chapas feministas para público infantil e adulto, e pintacaras para os máis pequenos.
• Durante toda a mañá, as persoas asistentes poderán participar nun photocall coa imaxe da campaña municipal do 8M.
• A xornada pechará co concerto do dueto “Muller”, formado por Noelia Geada e David Taboada, un proxecto de voz e piano centrado na mirada feminina e na reivindicación da muller na música.
A alcaldesa subliñou que esta programación se integra na iniciativa municipal posta en marcha hai case un ano para dinamizar a Praza de Santa María durante os domingos de feira, un espazo que “queremos que pertenza á cidadanía e represente os valores da vila”.
Accións formativas nos centros educativos
Ademais das actividades do domingo, o Concello promove máis de 20 sesións formativas entre o 2 e o 26 de marzo nos centros de educación infantil e primaria do municipio.
• Obradoiro “Libres de etiquetas: o valor de ser ti mesm@”, impartido pola axente de igualdade municipal, Amara Pérez, centrado na igualdade e na ruptura de estereotipos de xénero.
• No IES Santiago Basanta Silva impartirase o obradoiro “Brainrot: limpar o feed de prexuízos”, orientado á reflexión sobre igualdade e redes sociais.
Rouco concluíu afirmando que o Concello aposta por “unha programación que combine sensibilización, participación cidadá e educación, porque a igualdade constrúese cada día e en todos os ámbitos da vida”, e engadiu que “Vilalba é unha vila comprometida e concienciada, e queremos que esta celebración do 8M sexa un reflexo desa realidade”.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
