Cando escribo isto, mañá é Domingo de Ramos. En Ribadeo atópome cun taboleiro de anuncios nun local de servizo ó público no que conviven en espazo para avisos e en tempo de programación previsto o anuncio dun divertido (suponse) cursiño de inglés para os mais pequenos, unha obra de teatro de Castelao, un cartel cun cristo coroado de espiñas e a lenda ‘Semana Santa Ribadeo 2026’, un concurso solidario de puzzles, o próximo encontro de fútbol do Ribadeo FC na casa, e o Camiño Norte Fest (no aparcadoiro municipal -sen especificar en cal deles- coa Panorama, servizo de bar e Food Trucks). As actividades superpóñense unhas a outras, e coido que aínda debe haber algunha máis para estes días, mesmo deixando aparte o desenvolvemento do programa ‘sacro’ da S. Santa.
Entendo, ó mellor de xeito errado, que é esta última, a Semana Santa, a que subministra boa parte do ‘tirón’ para as outras actividades, pois o ser ‘Semana Santa’ trae a xente de asueto e folganza. Iso, aínda que algunha -por exemplo, o fútbol- sexa de desenrolo normal ó longo de boa parte do ano. A máis, é doado entendelo así porque o taboleiro no seu conxunto presenta unha considerable compoñente de atracción cara ó turismo. Ó tempo, enténdoo como unha contradición, unha diverxencia entre a Semana Santa e o seu espírito de recollemento para os católicos practicantes e o resto de actividades incluíndo música (non relixiosa, en principio), comida, deporte (visto, quizais non tanto practicado), xogos, aprendizaxe divertida, distracción intelectual… Unha Semana Santa que aínda así non deixa de anunciarse como atracción e para atraer á xente, competindo no conxunto das súas actividades cunha certa vantaxe de saída sobre as outras previstas para eses días. Mais, aínda así, aceptando a mesma dinámica.
O ser humano é contraditorio. Quen máis, quen menos, somos contraditorios nalgunhas cousas, aínda que tentemos manter certa consistencia ó longo da nosa vida. Logo, é normal que a sociedade no seu conxunto tamén o sexa nalgunha medida. Mais a crecente submisión das actividades e do conxunto da nosa vida ás chamadas ‘actividades económicas’ leva consigo tamén unha falta de distinción e igualamento nalgúns aspectos entre cousas como a relixión e o deporte, que rematan mesturadas na ‘economía’, no aproveitamento para lucro: enténdase sempre ‘economía’ como movemento de cartos ou incremento de capital, interpretación lonxana das súas orixes como evolución de ‘xestión da casa’.
Non hai que ir moi aló para sumar máis contradicións nos tempos de Semana Santa. Por exemplo, a pompa que nas mesmas procesións destilan os moitas veces (sempre que é posible!) luxosos pasos, en contraposición coa pobre circunstancia que tentan lembrar. Ou a asistencia das ‘autoridades’ (civís e militares) en función do exercicio de tales autoridades, a esas mesmas procesións nun estado que na súa constitución declara que ningunha relixión terá carácter estatal (art.14).
Mentres, a vida segue.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
