Ribadeo, 9 de abril de 2026. Ribadeo rehabilitará e converterá en espazo cultural a capela da Virxe do Camiño. Concello e Bispado asinaron a cesión de uso deste edificio. No exterior serán eliminadas as barreiras arquitectónicas.
O alcalde, Dani Vega, contou que “firmamos a cesión de uso por parte do Bispado ao Concello de Ribadeo da capela Virxe do Camiño. Un espazo, un edificio que estaba sen ningún tipo de uso, levaba desacralizado moitísimos anos e cando chegamos ao goberno, dentro da planificación de inversións que temos pensado para desenvolver, este espazo era un deles”.
O rexedor explicou: “tomamos a decisión de, primeiro, garantir un orzamento, e iso xa o temos a través da Consellería, estamos redactando o proxecto e iso vainos dicir a cantidade que temos que concretar. Pero hai disposición por parte da Consellería en colaborar con nos. Segundo, tiñamos que ter unha proposta para saber, para concretar que queremos deste espazo, deste capela. Queremos que sexa un espazo cultural, unha sala multifuncional, evidentemente, dentro das actividades culturais que ten o Concello programado. Terceiro, qué proxecto queremos para a capela. Si, hai que rehabilitar o edificio, pero tamén hai que modernizar o exterior. Todo o exterior non cumpre coas medidas de accesibilidade. En consecuencia se vai ser un edificio para que acudan as persoas temos que darlle cabida a todas as persoas, tamén ás que teñen mobilidade reducida deben disfrutar deste espazo”.
Vega subliñou: “accesibilidade, concretar o que queríamos deste edificio e a colaboración da Xunta. E todo isto que temos xestionado, parte do inicio de que o Bispado nos cedera o uso deste edificio. Agradezo ao Bispo de Mondoñedo e a todo o conxunto da Diocese do Bispado por entender que o Concello quere disfrutar dun espazo que leva sen uso moito tempo e tamén á parroquia de Ribadeo por esta colaboración”.
Para o alcalde de Ribadeo “esta é unha moi boa noticia, unha noticia que evidentemente levamos xestionando tempo, pero que se concreta e a partir de agora van seguir as noticias no entorno tamén deste edificio tan significativo e tan importante para todos os ribadenses”.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
