Castiñeira explica que esta petición responde á preocupación existente entre os veciños da zona, onde xa se teñen producido situacións de risco
Foz, 9 de abril de 2026. O Partido Popular de Foz, a través do seu portavoz, Javier Castiñeira, vén de trasladar ao goberno local un rogo que considera “urxente” para mellorar a seguridade dos peóns no núcleo urbano da vila.
Castiñeira explica que esta petición responde á preocupación existente entre os veciños da zona, onde xa se teñen producido situacións de risco: “Temos un rogo que tamén entendemos que é urxente porque é en base á seguridade dos peóns no núcleo urbano de Foz. Sabemos da insistencia dos veciños da zona, sabemos que incluso estivo preto de haber algún tipo de atropelo”.
O portavoz popular sinala que a problemática se localiza no inicio da rúa dos Limoeiros, ao baixar pola rúa do Porto cara á dereita, un punto no que actualmente non existe paso de peóns: “Entendemos que é totalmente necesario un paso de peóns no inicio da rúa dos Limoeiros, segundo baixas pola rúa do Porto, á dereita”.
Segundo indica, os cambios de tráfico e mobilidade impulsados polo goberno local incrementaron o tránsito de vehículos nesta vía, o que agrava o risco para os viandantes: “Cos cambios de tráfico e mobilidade do señor Cajoto, as opcións moitas veces están moi limitadas e por aí agora na rúa dos Limoeiros circulan moitos vehículos e cruzan persoas por esa zona onde non hai un paso de cebra”.
Dende o PP critican a falta de actuación do alcalde a pesar das advertencias previas: “Sabemos que o señor alcalde foi avisado varias veces, pero parece que só actúa cando pasas as cousas”.
Finalmente, Castiñeira insiste en que esta demanda responde ao compromiso do seu grupo coa seguridade cidadá: “Nesa dinámica do Partido Popular de denunciar cousas que se entenden que son necesarias e importantes, e sobre todo mirando pola seguridade das persoas e dos veciños, pedimos ao señor Cajoto que canto antes poña un paso de cebra no inicio da rúa dos Limoeiros”.
Finalmente, o portavoz popular conclúe cunha mensaxe directa á concelleira: “Señora Couto, dedíquese máis ás contas e menos aos contos”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
