Viveiro, 9 de abril, 2026. O Grupo Municipal Socialista de Viveiro presentou no último Pleno unha moción para que todos os grupos locais que participen na programación cultural organizada polo Concello reciban unha remuneración polo seu traballo. A proposta buscaba establecer un criterio claro que evite desigualdades e que recoñeza o valor que estes colectivos achegan á vida cultural do municipio.
A voceira socialista, María Loureiro, explicou que a iniciativa non pretendía fixar unha contía concreta, senón garantir que quen actúe nunha programación municipal cobre polo seu labor. Lembrou que moitos destes grupos se autofinancian e non contan con axudas estables, malia levar anos contribuíndo á actividade cultural de Viveiro.
Loureiro incidiu en que non é razoable organizar unha programación cultural sen asegurar unha compensación mínima para os grupos locais, especialmente cando están aportando tempo, traballo e valor engadido.
A moción non prosperou polo voto en contra do Partido Popular e de Por Viveiro. Desde o PSOE consideran contraditorio o argumento económico empregado, xa que a proposta deixaba en mans do equipo de goberno a fixación das contías segundo a dispoñibilidade orzamentaria.
Os socialistas lembran que xa houbo precedentes de trato desigual dentro da programación municipal, como no caso dos pasacalles do ano pasado, onde algúns grupos cobraron e outros non, malia formar parte da mesma actividade.
O PSOE tamén mostrou a súa sorpresa pola postura de Por Viveiro. Segundo Loureiro, resulta chamativo que quen participou en asociacións culturais e solicitou apoio económico para elas vote agora en contra dunha proposta que busca precisamente reforzar ese apoio.
Para o Grupo Socialista, esta decisión evidencia unha liña política que sitúa a Por Viveiro do lado do goberno e rexeita propostas da oposición, mesmo cando consideran que son beneficiosas para o tecido cultural local.
María Loureiro concluíu que a cultura local non pode sosterse unicamente co esforzo dos colectivos e que precisa do compromiso das institucións. O PSOE de Viveiro asegura que continuará defendendo iniciativas que garantan un apoio real á cultura de base e un trato xusto para todos os grupos locais.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
