A alcaldesa Mariña Gueimunde destacou o valor dunha xornada «vivida cunha enorme emoción, cunha grande resposta de público e coa solemnidade que fai única a Semana Santa de Viveiro»
Viveiro, 4 de abril de 2026. A procesión do Santo Enterro puxo este Venres Santo o colofón a unha das xornadas centrais da Semana Santa de Viveiro. O día estivo marcado pola elevada participación, a afluencia de público e o ambiente de recollemento e solemnidade que acompañou os principais actos celebrados na vila. A cita contou coa presenza de José López Campos, conselleiro de Cultura; María José Gómez, conselleira do Medio Rural; Mariña Gueimunde, alcaldesa de Viveiro; e Javier Arias, delegado territorial da Xunta en Lugo; e Fran Cajoto, deputado provincial.
A procesión do Santo Enterro foi organizada pola Ilustre y Venerable Cofradía del Stmo. Rosario e tivo a saída da igrexa de Santa María. Na súa condición de procesión oficial do Concello, converteuse nun dos momentos máis solemnes e representativos da Semana Santa viveirense, xa que ofreceu unha imaxe de grande forza emocional ao seu paso polas rúas do centro histórico. O desenvolvemento do cortexo e o seguimento por parte da veciñanza e dos visitantes confirmaron a capacidade desta celebración para reunir fe, tradición, patrimonio e proxección exterior nunha mesma xornada.
Mariña Gueimunde subliñou que «o Santo Enterro volveu deixar unha imaxe extraordinaria de Viveiro, unha vila entregada a unha das súas celebracións máis fondas e emblemáticas». A alcaldesa engadiu que «foi o colofón a un Venres Santo vivido con enorme intensidade, cunha grande resposta de público e coa solemnidade que distingue a nosa Semana Santa e a converte nunha referencia dentro e fóra de Galicia».
O Concello puxo tamén en valor o traballo da Xunta de Cofradías, das confrarías e irmandades e de todas as persoas que fan posible o desenvolvemento da Semana Santa, así como a coordinación dos dispositivos que contribúen ao bo funcionamento dunha xornada de especial relevancia para a vila. «Detrás de cada acto hai moitísimo esforzo, dedicación e amor por Viveiro. E iso nótase no resultado final e tamén na imaxe que ofrecemos a quen nos visita», sinalou a rexedora.
O Venres Santo comezou coa procesión do Encontro ás 10.00 horas e continuou ao mediodía coa celebración extraordinaria do Sermón das Sete Palabras na Praza Maior, organizada pola Real Hermandad de las Siete Palabras con motivo do seu 75 aniversario fundacional. Xa pola tarde celebrouse o Descendemento ou Desencravo no adro de Santa María, antes da saída do Santo Enterro. A xornada completouse pola noite coa Procesión da Paixón desde San Francisco, o Sermón da Soidade e a procesión da Soidade, coñecida tamén como «Dos Caladiños».
Desde o Goberno local destácase que Viveiro volveu ofrecer este Venres Santo a mellor imaxe dunha celebración declarada Festa de Interese Turístico Internacional desde 2013, capaz de combinar devoción, valor cultural e unha fonda identidade colectiva. «A Semana Santa é unha das grandes expresións do que somos como vila, e días coma hoxe amosan a forza dunha tradición que se mantén viva grazas ao compromiso de moitísimas persoas», afirmou Mariña Gueimunde.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
