Lugo, 30 de abril, 2026. A Escola Politécnica Superior de Enxeñaría (EPSE) da USC, no campus de Lugo, acolleu o pasado 21 de abril a xornada de presentación de SILVO+, un proxecto innovador que busca integrar a prevención activa de incendios forestais coa valorización económica do sector gandeiro. A iniciativa aposta pola aplicación de tecnoloxías dixitais avanzadas para construír un modelo de xestión forestal sostible, capaz de protexer o medio natural e reforzar a resiliencia do rural galego. Entre as persoas participantes estivo a ribadense Lara Neira, representante da empresa NIGAL Nova Industria Galega.
Tecnoloxía ao servizo do monte
A apertura institucional contou coa participación da dirección da EPSE, do Vicerreitorado de Coordinación do Campus de Lugo e da Axencia Galega de Innovación (GAIN), que subliñaron a importancia de impulsar proxectos que transformen o coñecemento científico en ferramentas útiles para o territorio.
O consorcio que lidera SILVO+ —Tenzas Xestión Forestal, Ence-Enerxía e Celulosa e NIGAL, en colaboración co grupo de investigación PROePLA da USC— explicou os catro eixos estratéxicos do proxecto:
-Desenvolvemento de modelos integrais de silvopastoreo, compatibilizando produción de madeira e carne de alta calidade
-Monitorización dixital da biomasa mediante sensores e algoritmos
-Certificación de servizos ecosistémicos para acceder a mercados que valoran o impacto ambiental positivo
-Automatización de tarefas para mellorar o impacto social e a eficiencia das explotacións
O profesor e investigador Manuel Marey destacou o carácter disruptivo da proposta, que incorpora intelixencia artificial e cercas virtuais para delimitar áreas de pastoreo sen barreiras físicas, optimizando o movemento do gando en tempo real e reducindo o risco de incendios.
Tras as intervencións, o público asistiu a unha visita guiada polas instalacións da EPSE para coñecer os sistemas tecnolóxicos empregados, rematando cunha sesión de networking orientada a fortalecer sinerxías entre os sectores forestal e gandeiro.
Un futuro sostible para o rural galego
Nun contexto marcado pola crise climática, SILVO+ preséntase como unha ferramenta clave para transformar o monte nun activo produtivo e protexido. O pastoreo controlado permite reducir a carga de combustible vexetal, diminuíndo o risco de incendios e garantindo ao mesmo tempo a viabilidade económica das explotacións.
Os resultados desta fase piloto servirán de base para replicar o modelo noutras rexións europeas con desafíos semellantes. Nos próximos meses iniciaranse as probas de campo que avaliarán a eficacia destas “barreiras vivas” contra o lume, marcando un paso decisivo cara a unha nova xeración de silvicultura intelixente.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
