Ribadeo, 9 de abril de 2026. Acisa Ribadeo e o Grupo Isonor veñen de asinar un convenio de colaboración con condicións vantaxosas para as empresas asociadas ao colectivo empresarial.
A presidenta de Acisa, Carmen Cruzado, declarou: “estamos moi contentos de asinar este convenio co Grupo Isonor, experto en cumprimento normativo e dixitalización. Conta con servizos destacados como a prevención de riscos laborais, a formación, a protección de datos e a seguridade da información, sistemas de xestión de calidade, medio ambiente, seguridade e saúde no traballo, seguridade alimentaria, solucións informáticas, markéting, estudos de mercado e plans de empresa, recursos humanos, servizos xurídicos, así como a tramitación e xestión de subvencións”.
E subliñou: “este novo convenio súmase ao amplo abano dos subscritos por Acisa con outras empresas con condicións vantaxosas para as nosas asociadas e asociados, que deste xeito poden mellorar tanto internamente como desde o punto de vista dos servizos que ofrecen á súa clientela”.
O xerente de Acisa, Jesús Pérez, explicou que “este convenio facilita aos nosos asociados servizos moi relevantes para os seus negocios. O Grupo Isonor comprométese a preparar e enviar orzamentos e ofertas das súas marcas asociadas para os membros de Acisa, así como a visitar a todos os integrantes do colectivo co fin de presentarlles os seus servizos, así como a realizar un estudo de cumprimento normativo sen custo para cada asociado, algo moi importante hoxe en día dada a carga normativa que as empresas e autónomos teñen que soportar. Ademais aplicarán un desconto do 10 % na contratación de servizos aos socios de Acisa Ribadeo”.
E engadiu: “este novo servizo de Acisa é fundamental, debido ás esixencias legais e ás inspeccións, que cada vez son maiores, e os negocios deben estar ao día en todos estes aspectos. Acisa ofrece así unha solución integral na que a través dunha soa empresa, neste caso o Grupo Isonor, poden estar completamente cuberto en todas as áreas”.
No acto celebrado nas instalacións de Acisa Ribadeo esta mañá participaron a súa presidenta, Carmen Cruzado, o xerente, Jesús Pérez, así como Francisco Javier Romay, director Comercial Desarrollo Territorial do Grupo Isonor, e Carlota Guisasola, do Departamento Técnico e Consultoría Comercial.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
