O prazo de execución da actuación, unha vez que se inicien os traballos, é de cinco meses
Santiago de Compostela, 2 de abril de 2026. A Xunta de Galicia vén de adxudicar por case 375.000 € a obra de rehabilitación integral do Colexio San Miguel de Reinante Barreiros, que realizará a empresa Metaleume. O prazo de execución da actuación, unha vez se inicien os traballos, é de cinco meses
A Consellería de Educación, Ciencia, Universidades e FP centrará a actuación nos edificios do centro destinados a aulario, co fin de mellorar a súa eficiencia enerxética e o conseguinte benestar para a comunidade educativa. De feito, agárdase acadar un aforro do consumo de enerxía e unha redución das emisións dunha media do 40% unha vez rematadas as obras.
Para iso colocarase nova carpintería con rotura de ponte térmica e vidro dobre baixo emisivo, instalarase sistema de illamento térmico tipo SATE na fachada e porche cuberto e novas luminarias tipo LED naquelas zonas que carecen desta tecnoloxía.
A actuación enmárcase nas primeiras 16 obras programadas pola Consellería en centros de ensino para este ano, cun investimento total de máis de 16 M€. No conxunto de 2026, o investimento da Xunta en obras en centros educativos ascenderá a un total de 73,6 M€, un 4% máis.
Máis de 8 M€ na Mariña lucense
A rehabilitación do colexio de Barreiros eleva a máis de 8 M€ o investimento en obras en centros educativos da Xunta na Mariña lucense no marco do Plan de nova arquitectura pedagóxica.
Entre elas destacan, pola súa envergadura, as rehabilitacións integrais do Instituto de Foz (1,2 M€), do CEIP Gregorio Sanz (Ribadeo, 1 M€), do IES María Sarmiento (Viveiro, 810.000 €) e o cambio de cuberta do edificio principal do CEIP Plurilingüe Álvaro Cunqueiro Mora (Mondoñedo, 450.000 €).
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
