A deputada de Igualdade participou hoxe en Mañón na presentación do mapa ‘A memoria da auga’, que recupera a memoria das mulleres ao dos espazos de traballo e socialización que foron as fontes e os lavadoiros
Mañón, 9 de abril de 2026. A deputada de Igualdade da Deputación da Coruña, Sol Agra, e a deputada de Plans Provinciais, Cristina García, participaron na presentación do mapa ‘A memoria da auga. Fontes e lavadoiros no concello de Mañón’, unha iniciativa que pon en valor o papel das mulleres na conservación e transmisión da memoria vinculada a estes espazos. «A recuperación da memoria dos traballos das mulleres é fundamental para conservar a historia dos pobos», subliñou Agra.
O acto, celebrado no lavadoiro da vila de Bares (Mañón), encádrase na campaña municipal do 8M e tamén se inclúe no proxecto proxecto ‘A memoria da auga contada por mulleres’, no que se leva traballando desde 2024 coa participación de mulleres das cinco parroquias do municipio, principalmente a través do programa de envellecemento activo.
Ao longo destes anos, o Concello impulsou distintas accións, como unha exposición fotográfica e unha peza documental, ás que se suma agora a edición dun mapa despregábel con textos e imaxes, recentemente impreso pola imprenta provincial.
Neste contexto, a deputada de Igualdade, Sol Agra, destacou que o mapa «combina memoria histórica municipal, recursos patrimoniais e turísticos, posta en valor dos saberes femininos e dos traballos das mulleres, imprescindíbeis para o mantemento da familia, mais nunca remunerados nin valorados», ao tempo que incorpora «convivencia, dinamización, lingua, cultura e intercambio interxeracional». Estes aspectos, subliñou a deputada, «non sempre se valoran dabondo porque parece que falamos de cousas de antes e pouco relevantes».
Agra puxo tamén en valor o traballo desenvolvido no marco do proxecto, recoñecendo o labor da técnica de igualdade Lucía Canoura, «que forma parte da rede de técnicas de igualdade financiada pola área de Igualdade da Deputación», así como a implicación das veciñas participantes. Neste sentido, incidiu en que a dinamización do rural «é posíbel cando hai recursos humanos e orzamentarios», e sinalou que o proxecto de Mañón «é unha boa demostración».
A deputada reflexionou ademais sobre os cambios sociais asociados á desaparición destes espazos de encontro. Malia que a lavadora aliviou a carga de traballo, tamén contribuíu a illar as mulleres nos fogares. Tarefas como lavar nos ríos ou acudir aos lavadoiros, aínda sendo duras, xeraban espazos propios de relación entre mulleres, «nos que animarse, consolarse, coidarse e tamén divertirse», fronte a unha sociedade na que elas tiñan moi limitadas as opcións de socialización.
Por iso, subliñou a importancia de recuperar estes coñecementos a través da memoria das súas protagonistas, recollelos e preservalos para as novas xeracións, nun traballo que cualificou como «etnográfico de moito valor para os concellos».
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
