Cervo, 10 de abril, 2026. O alumnado do CEIP Península da Paz visitou hoxe a mostra “Baleas a Flote: arte en Madeira e Mar”, instalada na Casa da Cultura de San Cibrao e aberta ao público durante todo o mes de abril.
Esta exposición pode visitarse de luns a venres en horario de 9:00 a 14:00 horas, e tamén en horario de tarde de luns a xoves, de 16:00 a 19:00 horas, ofrecendo así unha ampla oportunidade para que veciñanza e visitantes se acheguen a este proxecto artístico e ambiental.
Durante a visita, o propio artista, Francisco Martínez-Pin, foi o encargado de guiar ao alumnado pola mostra, explicando de primeira man o proceso de creación das súas obras e o valor dos materiais recuperados empregados nas mesmas. As súas explicacións espertaron un grande interese entre os nenos e nenas, que participaron activamente ao longo do percorrido.
O acto contou tamén coa presenza da alcaldesa de Cervo, Dolores García Caramés, quen acompañou ao alumnado nesta actividade e destacou a importancia de achegar a arte e a concienciación ambiental á cidadanía, especialmente ás novas xeracións.
A visita desenvolveuse nun ambiente participativo e didáctico, no que o alumnado amosou unha grande curiosidade e implicación, conectando coa mensaxe da exposición e coa tradición mariñeira da contorna.
Dende o Concello de Cervo quérese agradecer ao CEIP Península da Paz a súa participación e boa disposición para formar parte deste tipo de iniciativas, que contribúen a reforzar os vínculos entre a comunidade educativa e a actividade cultural do municipio.
Dende o Concello de Cervo destácase, ademais, o compromiso por promover actividades culturais e educativas que contribúan a sensibilizar sobre o coidado do medio ambiente e a posta en valor do patrimonio e identidade local.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
