Viveiro, 10 de abril, 2026. Baixo o lema “Alimentos do Mar, alimentos de Vida”, o proxecto Pesca Saúde instalará puntos de información móbiles en Burela, Viveiro e Cedeira para divulgar os beneficios dos produtos do mar na saúde e dar a coñecer as súas propiedades nutricionais. Ademais, ofreceranse degustacións elaboradas por profesionais da restauración nunha foodbike.
Nestes espazos repartiranse guías nutricionais, materiais sobre hábitos de alimentación saudables e vales desconto para consumir nos establecementos adheridos á campaña.
Os eventos celebraranse no exterior dos centros de saúde, en horario de 11:00 a 13:00 h, nas seguintes datas:
• Martes 14: Burela
• Mércores 15: Viveiro
• Xoves 16: Cedeira
A programación completarase cunhas Xornadas Técnicas no mes de maio, na Casa do Concello de Burela, nas que profesionais sanitarias abordarán os beneficios do consumo de produto pesqueiro na saúde e no benestar.
Por que é importante consumir peixe e marisco?
Pesca Saúde xorde nun contexto no que o consumo de peixe fresco descendeu mentres aumentan os produtos ultraprocesados, unha tendencia asociada ao incremento de enfermidades cardiovasculares, metabólicas e inflamatorias.
Promover o consumo regular de peixe galego é, polo tanto, unha estratexia de saúde pública baseada na evidencia científica. O peixe e o marisco son alimentos de alta densidade nutricional: achegan proteínas de alto valor biolóxico, graxas cardiosaudables ricas en omega-3 (EPA e DHA), e nutrientes esenciais con poucas calorías.
Os seus beneficios están demostrados no sistema cardiovascular, na saúde cerebral e cognitiva, na saúde ósea e muscular, na inmunidade e no metabolismo.
Vales desconto e promoción nas peixarías
A partir do 15 de abril, as peixarías adheridas —identificadas co distintivo oficial da campaña— comezarán a aceptar os vales de desconto de 5 €, repartidos nos eventos dos centros de saúde.
Entre o 15 de abril e o 30 de xuño, todas as persoas que acumulen tiques por importe igual ou superior a 60 € nos establecementos participantes entrarán no sorteo dunha degustación para dúas persoas nun local de hostalaría.
Próximas accións: restauración e obradoiros
O proxecto continuará traballando co sector da hostalaría para deseñar menús saudables baseados en produto local e de tempada.
Ademais, celebraranse obradoiros de BatchCooking, unha técnica que permite organizar a cociña semanal preparando varias elaboracións nunha mesma sesión. Estes obradoiros irán acompañados dun receitario, dispoñible tamén na web do proxecto.
Que é Pesca Saúde?
Pesca Saúde promove o consumo de produto pesqueiro de proximidade, destacando o seu valor nutricional e o seu papel nun modelo alimentario sostible.
A iniciativa está financiada polo FEMPA 2021-2027 a través da Consellería do Mar e conta coa participación de sete GALP do litoral galego, coordinados polo GALP Costa Sostible. Tamén colabora a Consellería de Sanidade, integrando o proxecto na Estratexia Galega de Saúde Comunitaria 2023-2027.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
