A administración local recibe a alumnos en varios departamentos para facilitarlles unha primeira experiencia no ámbito laboral e institucional
Viveiro, 20 de abril de 2026. O Concello de Viveiro vén colaborando ao longo do ano con varios centros educativos e entidades na formación práctica de alumnado que cursa ensinanzas regradas e formación ocupacional. Neste sentido, ofrécelles a posibilidade de desenvolver as súas prácticas en departamentos municipais.
Esta colaboración permite que os estudantes teñan un primeiro contacto co ámbito laboral dentro da administración pública, que coñezan de preto o funcionamento dos servizos municipais e participen na actividade diaria das áreas nas que se integran durante o período formativo.
Desde o Goberno local destácase a importancia de favorecer este tipo de iniciativas, que contribúen á formación do alumnado e lles permiten adquirir experiencia, coñecementos e ferramentas útiles para o seu futuro profesional. Ao mesmo tempo, esta cooperación reforza a relación do Concello con centros educativos e entidades formativas, nun marco de colaboración que resulta beneficioso para ambas partes.
O Concello de Viveiro mantén deste xeito a súa disposición a seguir participando neste tipo de programas, que facilitan a aprendizaxe práctica e achegan ao alumnado ao funcionamento real da administración, nun contexto de acompañamento e apoio ao seu proceso formativo.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
