Ribadeo, 20 de abril de 2026. Do 21 ao 30 de abril estará aberto o prazo de preinscrición nos Campamentos de Verán do Concello de Ribadeo, que inclúen colonias urbanas no CEIP Gregorio Sanz e campamentos no albergue de Allariz (Ourense). Esta programación conta co respaldo do Plan Corresponsables, que está cofinanciado pola Consellería de Política Social e igualdade e polo Ministerio de Igualdade.
O concelleiro de Mocidade, Francisco José Silvent, dixo que “se trata dunha proposta que responde ao compromiso municipal de ofrecer espazos seguros, inclusivos e educativos que contribúan ao desenvolvemento integral da rapazada, promovendo ao mesmo tempo a conciliación das familias”.
O edil ribadense explicou que “as actividades están dirixidas a nenos, nenas e mocidade do municipio, ofrecendo alternativas de lecer educativo durante o período estival. No caso das colonias urbanas, desenvolveranse en cinco quendas entre finais de xuño e finais de xullo, cun horario adaptado ás necesidades das familias, incluíndo servizo de conciliación desde as 8:00 ata as 15:00 horas. O programa inclúe actividades deportivas, xogos en grupo, xincanas, propostas creativas e excursións, así como iniciativas específicas para o alumnado de maior idade, como saídas a parques acuáticos e noites de convivencia”.
E engadiu: “pola súa banda, os campamentos en Allariz permitirán á mocidade vivir unha experiencia de convivencia en contacto coa natureza, reforzando valores como a autonomía, o traballo en equipo e a igualdade”.
As bases dos Campamentos de Verán publicaranse hoxe, 20 de abril. E O prazo de preinscrición permanecerá aberto do 21 ao 30 de abril. Poderá realizarse a través da sede electrónica, no Rexistro do Concello de Ribadeo ou presencialmente na Casa da Xuventude.
As listaxes provisionais de persoas admitidas e aquelas solicitudes que requiran emendas publicaranse no taboleiro de anuncios do Concello e na sede electrónica municipal.
Establecerase un prazo de dez días hábiles para a corrección de erros ou achega de documentación. No caso de non cumprir con este trámite, entenderase a renuncia á praza.
E a listaxe definitiva de admitidos/as, a lista de agarda, o prazo de formalización e pago de taxas publicaranse no taboleiro de anuncios do Concello e na sede electrónica municipal.
Para máis información, as persoas interesadas poden dirixirse á Casa da Xuventude ou chamar ao teléfono 982 12 98 89.
Os Campamentos de Verán foron presentados polo alcalde, Dani Vega, e polo concelleiro de Deportes, Francisco José Silvent.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
