Ribadeo, 3 de abril, 2026. O venres 10 de abril, ás 18:00 horas, o CIFP Porta da Auga de Ribadeo acollerá a duodécima sesión do ciclo Soberanía Dixital, dedicada nesta ocasión á Soberanía Tecnolóxica cunha actividade práctica: unha Xornada de reparación en formato repair café.
O encontro está organizado por amarinha.gal, que propón unha actividade diferente ás anteriores edicións do ciclo: un espazo colaborativo no que as persoas asistentes poidan reparar aparellos eléctricos e electrónicos, prolongando a súa vida útil e promovendo o dereito a reparar, clave para reducir residuos, aforrar recursos e contribuír á loita contra o cambio climático.
Como funcionará a xornada
• A actividade é gratuíta e aberta a todas as persoas interesadas.
• Contará co apoio de Enxeñeiros Sen Fronteiras (ESF), que achegará cobertura de seguro para as persoas participantes.
• O CIFP Porta da Auga facilitará ferramentas, e os asistentes poderán levar tamén as súas propias, así como pilas ou pezas de substitución.
• A experiencia doutros obradoiros indica que a taxa de éxito adoita situarse entre 1 de cada 3 e 1 de cada 4 obxectos reparados, polo que non se garante que todos os aparellos poidan ser amañados.
• A duración máxima será de tres horas.
Inscrición
Para participar é necesario enviar un correo a info@amarinha.gal, indicando nome e aparello que se desexa reparar. Ao inicio da actividade cubrirase unha folla cos datos necesarios para o seguro.
Como é habitual nas iniciativas de amarinha.gal, a xornada é aberta ao público, limitada unicamente polo aforo do espazo.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.