O delegado territorial da Xunta, Javier Arias, asistiu este venres ao tradicional Sermón das Sete Palabras, un dos actos máis solemnes e representativos da Semana Santa de Viveiro, declarada de Interese Turístico Internacional

De xeito excepcional, e con motivo da conmemoración do 75 aniversario fundacional da Real Irmandade das Sete Palabras de Viveiro, o Sermón celebrouse no día de Venres Santo na Praza Maior da localidade, como se viña facendo nos seus inicios, e tivo como orador ao bispo da Diócese de Mondoñedo-Ferrol, Fernando Rodríguez Cariñanos.