Ribadeo. 27 de maio de 2026. A Xunta licita a redacción do proxecto para a construción de 300 vivendas en Ribadeo. O orzamento é de 250.00 euros e publícase no día de hoxe.
O alcalde, Dani Vega, dixo que “dentro do Plan Vive en Ribadeo a Xunta licita a redacción do Proxecto de Interese Autonómico para desenvolver solo destinado a construír 300 vivendas. O proxecto vai permitir urbanizar o denominado Sud-R2, é dicir unha superficie aproximadamente de 7,6 hectáreas. O contrato licítase por preto de 250 mil euros e publicase no día de hoxe”.
O rexedor subliñou que “a redacción do proxecto o que permite é a expropiación, a reparcelación, é dicir o desenvolvemento de solo residencial en Ribadeo destinado a 300 vivendas, das que o 80% van ser públicas. O importe do proxecto son 250.000 euros. Os adxudicatarios disporán dun prazo de tres meses para a presentación do borrador do PIA, o documento necesario para iniciar a tramitación ambiental dentro da estratexia do Plan Vive en Ribadeo. A redacción do PIA é o inicio do procedemento para urbanizar este solo con destino a vivenda protexida e evidentemente dentro dun espazo que ten 7,6 hectáreas, un espazo moi importante, clave para o crecemento da vila. Evidentemente está nunha entrada estratéxica, nun solo que non tiña grandes obxectivos e dentro do Concello apostamos por facer crecer Ribadeo de forma ordenada e tamén regulada, é dicir non facer bloques en todos os sitios, senón levar tamén unha liña na altura”.
Vega indicou que “estamos traballando coa Xunta de Galicia, de forma moi cómoda, evidentemente tamén co obxectivo de dar unha resposta a un problema, que é un problema claro que ten hoxe non soamente Galicia, senón tamén o conxunto do mapa español, e Ribadeo deu unha resposta. Non só os Concellos nos debemos quedar na visualización do problema, senón dar unha resposta a unha problemática. Por iso presentábamos na Xunta de Galicia unha proposta clara de vivenda, unha proposta clara de facer crecer tamén o noso pobo. Estamos a falar de trescentas vivendas, podemos estar crecendo como pobo en 1.200 habitantes, polo tanto é traballar tamén cara o futuro. E tamén non encapsular o pobo de Ribadeo, senón facerlle crecer de forma ben xestionada e ordenada”. E engadiu: “onde vai estar situada esta zona denominada Sud-R2, que ten un obxectivo de desenvolver unha zona residencial? Esta superficie estará situada na Avenida Ría de Ribadeo, a que comunica con a Nacional 642, limita tamén coa pista Reverte-Vilar, situada no oeste da vila. Claramente temos o obxectivo de crecemento, de dar unha resposta na contorna, temos 102 persoas que demandan hoxe vivenda. E isto evidentemente fai que Ribadeo teña un claro avance nesta materia, en vivenda protexida e tamén un claro avance de crecer como estratexia de pobo”.
O alcalde declarou: “alegrámonos moito de que sigamos dando pasos en firme e dando pasos nunha colaboración entre Xunta e Concello, Concello e Xunta, e dentro deste plan que presentou o Concello Plan Vive en Ribadeo. Somos practicamente o único Concello de 10.000 habitantes en Galicia que presentou un proxecto de construír 300 vivendas para seguir captando novos veciños e para dar unha resposta clara a ese problema que hoxe temos en España, o problema da vivenda. Repito non hai que visualizar o problema, pero tampouco hai que poñerse de perfil, hai que dar unha resposta clara e alta como deu Ribadeo”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
