Trabada, 18 de maio de 2026. A Xunta renova o seu apoio á Asociación de Veciños San Xulián de Sante, de Trabada, na organización do II Descenso de Carrilanas, que se celebrará na parroquia o sábado 30 de maio. O delegado territorial en Lugo, Javier Arias, participou hoxe na presentación do evento xunto a membros da entidade organizadora, entre eles o seu presidente, Miguel Linares.
A proba discorrerá por un itinerario de 2.150 metros, con saída desde o barrio do Castro e chegada ao barrio da Igrexa. O trazado destaca pola súa rapidez e dificultade técnica, con fortes pendentes e tres tipos de asfalto distintos ao longo do percorrido. Como particularidade, inclúe un punto radar nun dos tramos de maior desnivel, no que o ano pasado o vehículo máis rápido acadou os 93 quilómetros por hora.
O descenso será puntuable para a Copa Galicia e, como novidade desta edición, tamén para a Copa de España. O encontro iniciarase ás 11,30 horas coas verificacións técnicas dos vehículos e ás 16,30 horas dará comezo a baixada das carrilanas. Os organizadores prevén reunir arredor de 70 participantes.
Recibirán premios os tres primeiros da clasificación xeral, así como os tres mellores en cada unha das dez categorías establecidas segundo as características dos vehículos. Tamén haberá recoñecementos especiais para a carrilana máis espectacular e para a máis rápida no punto radar.
A xornada incluirá ademais unha comida popular con paella no pavillón polideportivo, aberta a todas as persoas interesadas. O prezo xeral é de 22 euros, de 20 euros para socios e participantes no descenso, e gratuíto para menores de seis anos.
As inscricións para as distintas actividades permanecen abertas ata o 27 de maio e poden formalizarse no Teleclub de Sante ou a través do teléfono 636 024 263.
Arias puxo en valor o traballo da asociación veciñal de Sante para consolidar unha cita “que combina deporte, convivencia e dinamización do rural”, e destacou “a capacidade deste tipo de iniciativas para atraer visitantes, xerar actividade económica e contribuír á promoción turística do territorio”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
