O popular destaca que algúns deste convenios son para iniciativas que se poden incluír dentro do Plan Deputación, polo que “vemos como Carmela López segue a financiar actuación a maiores do Plan, pola porta de atrás e unicamente aos seus”, así como que “seguen a dar os cartos sempre aos mesmos, a pesar de que se negaron en reiteradas ocasións a incrementar a contía destinada a este Plan para axudar máis a todos os concellos” por ser este Plan a ferramenta “máis xusta no reparto de fondos” da que dispón a Deputación de Lugo
Luns, 18 de maio de 2026. Os deputados do Grupo Provincial Popular critican que Carmela López mantén a Deputación instalada “no mesmo sectarismo” que José Tomé “ao copiar ao pé da letra o mecanismo de convenios a dedo” para concellos gobernados por PSOE e BNG.
O voceiro provincial popular, Antonio Ameijide, destaca que desde que tomou posesión, o pasado 14 de xaneiro, xa deu a dedo 1.373.579,72€ en convenios para concellos da súa cor política. “Está claro que Carmela López, lonxe de apostar pola igualdade de trato entre concellos, mantense a mesma práctica herdada: repartir convenios nominativos a dedo entre municipios gobernados polo PSOE e o BNG”, criticou.
Desde a chegada da nova presidenta, os convenios concedidos baixo este criterio mantivéronse “polo que nada mudou na Deputación, senón que consolidou unha política baseada na afinidade política e non nas necesidades reais dos veciños da provincia”.
Antonio Ameijide destaca que algúns deste convenios son para iniciativas que se poden incluír dentro do Plan Deputación, polo que “vemos como Carmela López segue a financiar actuación a maiores do Plan, pola porta de atrás e unicamente aos seus”, así como “seguen a dar os cartos sempre aos mesmos, a pesar de que se negaron en reiteradas ocasións a incrementar a contía destinada a este Plan para axudar máis a todos os concellos” por ser este Plan a ferramenta “máis xusta no reparto de fondos” da que dispón a Deputación de Lugo.
UN ÚNICO DESPISTE
Antonio Ameijide ironiza con que Carmela López “tivo un despiste” co Concello de Ribadeo, que recibiu un convenio, cun importe de 27.299,83€ (moi por debaixo da achega municipal, que é de 54.599,66€), nun feito que semella máis un despiste que un cambio de criterio, máis aínda cando algúns dos convenios asinados con concellos gobernados por PSOE e BNG superan amplamente os 200.000€.
Ameijide denuncia que PSOE e BNG continúan empregando a Deputación de Lugo e os seus recursos, tanto técnicos como económicos, “como unha ferramenta ao servizo dos intereses partidistas do goberno provincial, discriminando aos municipios en función da súa cor política, unha forma de actuar profundamente inxusta que rompe co principio de igualdade institucional que debería rexer o reparto dos recursos públicos”.
“Os lucenses merecemos unha Deputación transparente, igualitaria e que trate a todos a todos os concellos sen mirar a cor política do alcalde. O que estamos vendo ata o momento é máis do mesmo: propaganda, sectarismo e uso partidista do diñeiro de todos”, sentenciou.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
