A intervención prevé un novo acceso peonil fronte ao semáforo e unha rampla para persoas con mobilidade reducida na entrada sur
Viveiro, 20 de maio de 2026. O Concello de Viveiro informa da tramitación, por parte de Portos de Galicia, dunha actuación destinada a mellorar a accesibilidade ao aparcadoiro do porto deportivo do municipio, coa execución dun acceso peonil e dunha rampla para persoas con mobilidade reducida.
O aparcadoiro conta na actualidade cun único acceso para vehículos e peóns no extremo sur. Co fin de facilitar a entrada e saída das persoas que empregan este espazo, proponse habilitar un novo acceso peonil na parte central do aparcadoiro, fronte ao semáforo do viario principal, así como executar unha rampla de acceso para persoas con mobilidade reducida na entrada sur. Estas necesidades responden a unha petición reiterada do Concello de Viveiro e dos usuarios do porto deportivo. Con esta medida, darase acceso aos usuarios do centro de saúde, que se atopa fronte ao aparcadoiro.
A actuación inclúe a adaptación do peche metálico existente para permitir o novo acceso peonil, a execución dunha escaleira de fábrica na zona central do aparcadoiro, con varandas de seguridade de aceiro inoxidable 316L e a correspondente sinalización horizontal e vertical, así como a construción dunha rampla de formigón na entrada sur, tamén con varanda de aceiro inoxidable 316L e sinalización específica.
O valor estimado do contrato ascende a 6.665,84 euros, sen IVE, e o prazo de execución previsto é de 3 meses. A adxudicación realizarase mediante un sistema cun só criterio, no que se terá en conta unicamente o prezo ofertado.
Desde o Concello de Viveiro valórase positivamente esta actuación, ao considerar que suporá unha mellora práctica na accesibilidade e na funcionalidade dun espazo moi utilizado, reforzando ademais as condicións de uso para as persoas con mobilidade reducida.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
