O Vicedo, 10 de xuño, 2026. O xoves 11 de xuño terá lugar a presentación da IX edición da Romaxe Viquinga do Vicedo. A xornada incluirá dúas actividades diferenciadas coas que se dará inicio aos actos desta nova edición.
11:00 h – Resolución do Concurso de Debuxo Infantil Romaxe Viquinga
Ás 11:00 h celebrarase o acto de resolución do concurso de debuxo infantil, no que participará o alumnado do CEIP do Vicedo. Durante o evento proxectaranse todos os debuxos presentados e entregaranse premios aos tres primeiros clasificados de cada categoría (primeiro e segundo ciclo), ademais dun agasallo para todas as persoas participantes.
No acto estará tamén presente Cristian F. Caruncho, responsable do deseño dos carteis e camisetas dos últimos anos.
12:30 h – Presentación oficial da IX Romaxe Viquinga
Ás 12:30 h terá lugar a presentación oficial da IX Romaxe Viquinga, coa asistencia do Delegado Territorial da Xunta de Galicia en Lugo, D. Alfonso Villares Bermúdez; da Deputada de Réxime Interior, Promoción do Territorio e Turismo, Dª Pilar García Porto; e do alcalde do Vicedo, D. Jesús Novo Martínez.
Participarán igualmente o deseñador do cartel e da camiseta deste ano, Cristian F. Caruncho, e os responsables da parte artística das últimas edicións, Queiman e Pousa.
Durante o acto daranse a coñecer os deseños oficiais do cartel e das camisetas da Romaxe.
A Romaxe Viquinga 2026
Lémbrase que a IX Romaxe Viquinga se celebrará o sábado 25 de xullo de 2026 na praia de San Román. O evento contará cun amplo programa de actividades, entre as que destacan:
Desembarco viquingo e recreación da batalla cos cristiáns – 12:30 h
Actividades dos campamentos viquingo e cristián – durante todo o día
Torneo cristián a cabalo – 20:00 h
Enterramento viquingo – 22:30 h
Actividades e actuacións musicais – toda a tarde
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
