A Mariña, 2 de xuño, 2026. “Os senadores do PP por Lugo volven á carga para criticar ao Goberno de Pedro Sánchez pola iluminación da rotonda próxima á A‑8 en Ribadeo. Porén, as restricións que denuncian foron impostas polo propio Goberno de Mariano Rajoy”, afirma o senador socialista, César Mogo.
“Se se tivesen molestado en revisar a documentación, comprobarían que os criterios de iluminación están establecidos pola Orde Circular 36/2015, aprobada polo Ministerio de Transportes que dirixía Ana Pastor. É dicir: aquilo que calaron daquela, critícano agora. Un exemplo máis de que non pensan en Ribadeo, senón en atacar ao Goberno central. E, por se lles resulta difícil atopar a Circular —que consta de dous tomos—, facilítolla eu mesmo, lembrando que foi elaborada cunha Comisión de Enxeñeiros de Camiños, Canles e Portos”, engade.
“Non é a primeira vez que meten a pata. Hai unhas semanas fixérono en Vilalba, reclamando ao Goberno central actuacións nunha propiedade que é da Xunta de Galicia. Antes criticaran que non se ampliase o Polígono de Rábade cando quen incumprira esa responsabilidade era a alcaldesa do PP. E así, sucesivamente”.
“Non lles pido que fagan unha pausa —entendo que teñen que facer méritos na súa propia casa—, pero si lles recomendo que preparen mellor os asuntos cos que pretenden confundir aos veciños de Lugo e, neste caso, da Mariña. Polo menos, que o fagan ben”.
“Chama tamén a atención que, nas respostas do Goberno, o PP oculte todo aquilo que non lle convén pero que é positivo para a provincia. Por exemplo, no relativo ás Forzas e Corpos de Seguridade do Estado, que contan con máis efectivos en Lugo na etapa de Sánchez que na de Rajoy. Os senadores do PP teñen esa información por escrito, aínda que procuraron non difundila”.
“O peor é que, nesta ocasión, volveron arrastrar ao alcalde de Ribadeo. El saberá o custo que asume ao expoñerse, xunto cos parlamentarios do seu partido, a semellantes erros”, conclúe.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
