Ribadeo, 9 de xuño de 2026. O CFEA Pedro Murias oferta un ciclo superior de gandería e asistencia en sanidade animal, que foi presentado esta mañá. O alcalde, Dani Vega, subliñou que Ribadeo convértese así nun referente autonómico en Formación Profesional.
O rexedor dixo que “despois dun traballo conxunto, podemos anunciar que Pedro Murias vai implantar un novo ciclo, neste caso o ciclo superior de gandería e asistencia en sanidade animal. Polo tanto, despois de moito traballo, despois de facer as cosas con moita sensatez, con moita responsabilidade, podemos dicir que é a primeira vez que Pedro Murias vai contar cun ciclo superior que neste caso parecíanos de gran importancia, xa que collerá un área de influencia moi importante ata a Terra Chá ou máis aló e tamén captará alumnado da zona de Asturias. Estamos a falar dun ciclo superior que ten unha demanda moi importante”.
Vega indicou que “neste momento había que ir a Sergude a realizar esta formación. Agora Ribadeo tamén vai ter moita xente próxima a Ribadeo, que vai ter unha oportunidade de acercarse para realizar este ciclo superior. Estamos diante dun paso cualitativo, porque estamos a falar de formación profesional ciclo superior e cuantitativo, porque estamos incrementando a oferta en Pedro Murias. Neste momento ten toda a formación en agroecoloxía, en ecolóxico, tamén todo o relacionado co mundo do sector forestal, a horta e agora o ciclo superior de gandería e asistencia en sanidade animal”.
O alcalde ribadense destacou que “neste camiño é no que estamos xestionando recursos para investir, para mellorar e que Ribadeo avance, pero tamén estamos xestionando ferramentas que inserten a moitos rapaces e rapazas no mundo laboral, porque aí está o futuro na formación e no emprego, en ter sectores económicos que potencien a nosa vila e converternos nunha referencia non soamente a nivel comarcal e provincial, senón xa cun impacto autonómico en referentes na formación profesional”.
E lembrou que “estamos colaborando tamén con outros centros, neste caso co Porta da Auga, que tamén estamos traballando para incrementar o abanico de posibilidades á hora de escoller formación profesional, e hoxe damos un salto moi importante”.
Vega tivo tamén palabras de agradecemento: “agradecer á Consellería de Medio Rural que entendera que Pedro Murias ten que converterse nun centro referencia na formación profesional. Tamén contamos con residencia para que o alumnado se poida quedar e iso tamén é importantísimo. Grazas á conselleira, grazas a toda a Consellería, aos técnicos, por camiñar todos xuntos, agradecerlle evidentemente á dirección de Pedro Murias o traballo constante e continuo que están a facer para converternos nun referente tamén na formación ligada ao sector primario, ao sector da gandería, tamén da horta con moita formación non regrada, no sector forestal e agora nun ciclo superior de gandería e asistencia en sanidade animal”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
