A Presidenta supervisou distintas actuacións cun investimento global da institución provincial que supera os 1,6M€ e destacou que “estamos a impulsar un cambio real, con proxectos que melloran a vida da veciñanza e modernizan os espazos públicos”
Viveiro, 9 de xuño, 2026. A Presidenta da Deputación de Lugo, Carmela López, realizou este martes unha visita institucional a Viveiro, onde foi recibida na Casa do Concello pola alcaldesa, Mariña Gueimunde. A xornada permitiu coñecer de primeira man o avance de distintas actuacións executadas e proxectadas no municipio con financiamento provincial, así como reforzar a colaboración entre ambas administracións.
Tras o encontro mantido no Concello, no que percorreron as dependencias municipais, a alcaldesa acompañou á presidenta da Deputación nun percorrido por varios puntos de Viveiro nos que se están a desenvolver ou están previstas intervencións con cargo ao Plan Deputación. En conxunto, os investimentos provinciais no municipio superan os 1,6 millóns de euros, unha cifra que, segundo Carmela López, “impulsa un cambio real, con proxectos que melloran a vida da veciñanza e modernizan os espazos públicos”.
Investimentos en Covas: rúa Santiago e contorna de Cantarrana
A primeira parte da visita centrouse na parroquia de Covas. Alí supervisaron a evolución da obra que se está a executar na avenida de Santiago, financiada con preto de 190.000 euros do Plan Deputación 2025. A actuación abrangue a rehabilitación do firme, a mellora das redes de servizos básicos e intervencións en accesibilidade. Carmela López cualificou esta obra como “estratéxica polo seu impacto na trama urbana de Covas”.
A comitiva percorreu tamén a contorna de Cantarrana e outras rúas da parroquia nas que está prevista unha actuación integral con cargo ao Plan Deputación 2026. Estes traballos, que contarán con máis de 356.000 euros, permitirán renovar pavimentos e modernizar servizos básicos de saneamento, pluviais e abastecemento de auga en vías como a travesía de Cantarrana, Pernas Peón, Vila de Ribadeo, avenida de Vilalba, Vila de Mondoñedo, Cidade de Ortigueira, Otero Pedrayo, Pascual Veiga, Celso Emilio Ferreiro, Castelao e Alexandre Bóveda.
A alcaldesa subliñou que foi o goberno municipal quen decidiu priorizar investimentos en Covas, dada a necesidade de actuar nunha contorna que acumulaba importantes demandas de mellora. Mariña Gueimunde destacou “a importancia de que a Deputación coñeza sobre o terreo as necesidades do concello e o destino dos fondos que achega”, e agradeceu a disposición da institución provincial a seguir colaborando “desde o respecto institucional e en beneficio da veciñanza”.
Celeiro: humanización da fachada marítima e mellora do acceso ao porto
Xa en Celeiro, a presidenta da Deputación supervisou o resultado da humanización da fábrica marítima, unha actuación financiada con máis de 500.000 euros, así como a mellora da vía de acceso ao porto, a estrada provincial LU-P-6612, que conecta coa LU-862. Esta intervención, licitada por máis de 137.000 euros, inclúe a renovación completa do firme, melloras na drenaxe, pavimentación con aglomerado e nova sinalización. López destacou que esta obra “terá un impacto directo na seguridade viaria e na eficiencia das operacións portuarias”.
A actuación dá continuidade á transformación iniciada coa renovación da Rúa do Porto, posible grazas a un convenio de 700.000 euros, dos que a Deputación achegou 550.000 para humanizar e renovar servizos nesta vía estratéxica.
Outras demandas e colaboracións
Aproveitando a visita a Covas, a alcaldesa trasladou á presidenta provincial as necesidades existentes no entorno do campo de fútbol de Cantarrana, tras un encontro co presidente do Viveiro Club de Fútbol. O Concello valora positivamente a disposición da Deputación a colaborar en futuras melloras das instalacións deportivas municipais.
Así mesmo, Mariña Gueimunde solicitou a posta a punto de varias estradas de titularidade provincial, entre elas o acceso ao Monte San Roque, a vía das Nogueiras e outras actuacións pendentes en Vieiro e Galdo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
