Daniel Castro denuncia que, a pesar do anuncio do Goberno galego en setembro de 2025 cun investimento próximo ao millón de euros, a día de hoxe non hai máquinas traballando nin prazos públicos
Santiago de Compostela, 9 de xuño de 2026. O deputado do Bloque Nacionalista Galego, Daniel Castro, conseguiu que a Xunta de Galiza desvelase por fin un calendario concreto para a dragaxe do porto de Foz, unha demanda que cualificou como “necesaria” e “agardada” pola confraría de pescadores, a asociación A Ribeira de Foz e o conxunto de sectores económicos vinculados ao porto.
Castro lembrou que foi o pasado setembro de 2025 cando o Goberno galego anunciou a actuación, cun investimento próximo ao millón de euros, e se comprometeu a que as obras comezasen ao longo do 2026. Porén, a 9 de xuño de 2026, o parlamentario nacionalista denunciou que “a realidade é algo distinta”: “Non hai máquinas traballando e sobre todo non hai un calendario público coñecido. O que temos son silencios e falta de información”, sinalou.
No que atinxe aos prazos, sinalouse na Comisión de Pesca no Parlamento que o proxecto construtivo, encargado en setembro, será entregado nun prazo aproximado de dúas semanas. Seguidamente, a aprobación técnica por parte de Portos de Galiza está prevista para os meses de xullo e agosto. Unha vez aprobado, solicitarase autorización para o vertido de material en alta mar a Capitanía Marítima de Burela e a achega de area á praia de Altar a Costas.
Daniel Castro puxo en evidencia as graves carencias que sufre a actividade portuaria: “Os barcos profesionais e veleiros só poden saír e entrar unha hora e media ou dúas antes e despois da preamar. Isto non permite ter unha actividade portuaria normal nun porto en 2026”. Ademais, recriminou a falta de comunicación da Xunta cos afectados: “A confraría, o consello e a asociación Ribeira seguen pedindo respostas e non as reciben”.
O deputado nacionalista criticou que se actúe “de última hora”, en referencia á batimetría anunciada para os próximos días, e cualificou esta dinámica como “un pouco cutre”, aínda que valorou positivamente calquera avance. O BNG valorou positivamente a concreción dos prazos, aínda que advertiu que será esixente no cumprimento dos mesmos. “A xente de Foz leva agardando desde 2018. Agora temos un calendario, e imos vixiar que se cumpra”, concluíu Castro.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
