José María Fernández sinala que “Rubén García ten que dicir se está co seu partido e, polo tanto, a favor de que nunca abra o centro de día, ou está coa veciñanza e reclamará que non desapareza o espazo reservado para este servizo”
Trabada, 5 de xullo de 2026. Os concelleiros do PP de Trabada esixen ao alcalde, Rubén García, que explique publicamente “se está a favor de que desapareza o espazo reservado para o centro de día e por tanto, nunca abra, ou, pola contra, se defende este servizo para toda a veciñanza”.
O voceiro popular, José María Fernández, sinala que o alcalde “debe dar un pronunciamento público” porque “todos os veciños levamos anos esperando a que se poña en servizo este centro de día que, todo indica, nunca veremos abrir”.
José María Fernández recorda que “o centro de día non é un acordo con ningún partido político, é froito dun convenio entre a Deputación e todos os veciños de Trabada que vemos como PSOE e BNG dende a Deputación non se preocupan por cumprir a palabra dada”.
Neste senso, o voceiro popular esixe ao alcalde que “diga se está cos veciños de Trabada e defende que non desapareza o centro de día ou, pola contra, se está posicionado co seu partido e vai aceptar esta desaparición aínda que sexa un perxuízo para todos os veciños”.
SUBA DAS TAXAS DA RESIDENCIA
José María Fernández tamén aproveita para destacar que “Rubén García nada dixo da brutal suba que PSOE e BNG impuxeron a todos os usuarios das residencias provinciais, Trabada incluída, con subas na cota que pagan de ata o 60%”.
Neste senso, José María Fernández sinala que “temos constancia de usuarios aos que lles suben a cota, dun mes a outro, en máis de 500€ e non vemos ao alcalde defender aos nosos veciños”.
O voceiro popular en Trabada lamenta que “PSOE e BNG impoñen unha suba brutal nas taxas que pagan os usuarios da rede provincial de residencias”, un aumento que “aprobaron en xunta de goberno para evitar o debate político e que os usuarios e as familias poidan organizarse e protestar de forma conxunta”.
As novas taxas para os usuarios das residencias da rede provincial supón que o recibo mensual vai pasar, nalgunhas tarifas, dos 1.390€ aos 2.200€ no caso dos dependentes, e dos 1.080€ aos 1.750€ no caso dos non dependentes.
Agradeceu á Agrupación Hijos de Galicia e ao Ayuntamiento a súa acollida e puxo en valor o papel da emigración como embaixadora da vila. Rouco convidou a descubrir Vilalba e a súa identidade cultural e gastronómica, destacando produtos como o Queixo San Simón da Costa ou o Capón de Vilalba. Durante toda a fin de semana, a vila contará cun espazo propio na Praza do Kasko para promocionar os seus atractivos turísticos e reforzar a súa proxección fóra de Galicia.
Ao acto acudiron, entre outros, o patrón maior da Confraría de Pescadores de Ribadeo, Javier Martínez, a concelleira de Turismo, Marta Saiz, a deputada autonómica Cristina Sanz, a presidenta e o xerente de Acisa, Carmen Cruzado e Jesús Pérez, así como directivos do RCNR. Ademais a bandeira oficial de Ribadeo xa loce no peirao.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
