Boa participación de Brais Díaz Salas na 1ª xornada da IX Copa Deputación

Ribadeo 22-1-19. Boa participación de Brais Díaz Salas na 1ª xornada da IX Copa Deputación, que se celebrou na xornada matinal deste sábado, no módulo cuberto das pistas de atletismo Gregorio Perez Rivera de Lugo.
A primeira hora era a quenda do lanzamento de peso, unha das suas especialidades, onde Brais obtería o primeiro posto da categoría sub14, con catro lanzamentos de 9,04 – 8,67 – 9,15 -9,29 m. respectivamente, o que o levaría a superar en 12 cm. a súa mellor marca persoal ata a data.
Tres horas máis tarde competía nos 60 m.l., onde acadaría a 4ª posición da súa serie cun rexistro de 10,56 seg., rebaixando en 17 cts. a súa mellor marca anterior.
Esta mellora nos rexistros levan a facer un balance moi positivo desta participación.
Para o próximo sábado 26 será a quenda de seu irmán Aleix, na 2ª xornada da Copa Deputación, que reaparecerá logo dun tempo parado por lesión, trantando de ir recuperando ritmo de competición e deixar atrás os problemas físicos.