Ribadeo 5-2-19. Seguindo cas nosas propostas programáticas, hoxe centrámonos nun aspecto que está no cerne da nosa razón de ser, herdanza directa do 15M: a procura de máis transparencia e máis participación. Coma sempre, agradecemos críticas e suxestións.
O Concello debera abrirse á veciñanza, ser áxil na resposta ás demandas cidadás, e fomentar a participación de todas no debate e nas decisión sobre todo aquilo que interese ó público. Presentamos alguhas ideas para mellorar o funcionamento do noso Concello nestes eidos:
– Información programada e sistemática, nidiamente separada da propaganda.
– Emisión en directo dos plenos municipais, quedando os vídeos na web municipal ó dispor da veciñanza. Difusión dun boletín dixital coas medidas e actividades mais salientables -acordos, xestións, convocatorias- desenvolvidas polo Concello.
– Creación dun Consello de Participación Cidadá con presenza daqueles colectivos que o desexen, cun un papel activo na vida municipal. A súa primeira tarefa será preparar antes da fin de 2019 un borrador de Regulamento de Participación Cidadá que estableza os mecanismos para implementala. Poderán crearse tamén Consellos de Área que traballen sectores coma a educación, igualdade, saúde, medioambiente, deporte, cultura, etc., facilitando o acceso á información e á participación das interesadas nas políticas municipais.
– Creación dunha radio veciñal de licencia municipal xestionada polo Concello, pero que reparta o tempo de emisión entre colectivos locais: asociacións culturais, deportivas, de mocidade, das parroquias, etc., que ó tempo informe e difunda a nosa cultura e dinamice a sociedade. Pensamos que será unha ferramenta de grande interese para os centros de ensino de Ribadeo.
– Posta en marcha de orzamentos participativos como teñen desenvolvido con grande éxito de participación os “concellos do cambio” en toda España.
– Co obxecto de animar tamén á participación no rural propoñemos a rotación do pleno municipal polas parroquias, a elección democrática de representantes das mesmas (alcaldes de barrio) e a participación das asociacións veciñais na decisión sobre os traballos, reparacións e melloras que o concello faga en cada parroquia.
– Cara as ribadenses do futuro, coidamos fundamental deseñar cos centros educativos un Plan de Educación na Participación, informando e debatindo nos centros temas do seu interese e competencia municipal, para ter unha veciñanza cada vez máis dinámica, esixente e comprometida.
– Como non cremos nas lindes, promoveremos tamén a transparencia e participación fóra do concello, empregando foros como Cidades pola Axenda XXI, e impulsando/creando ferramentas na Mancomunidade da Mariña ou na Reserva da Biosfera.
– Finalmente, pensamos que será convinte crear unha Concellería de Transparencia e Participación Veciñal, responsable de atender as peticións de información e de pór en marcha estas e outras ferramentas de participación das ribadenses na vida municipal.
GRUPO EN MAREA DE RIBADEO
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
